> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# بلگه‌ کوتلو: من ژ بۆ چێکرنا په‌یکه‌ران که‌ڤر دزینه‌
- URL: https://www.botantimes.com/-d8-a8-d9-84-da-af-d9-87--da-a9-d9-88-d8-aa-d9-84-d9-88--d9-85-d9-86--da-98--d8-a8-db-86--da-86-db-8e-da-a9-d8-b1-d9-86-d8-a7--d9-be-d9-87-db-8c-da-a9-d9-87-d8-b1-d8-a7/
- Published: 2022-12-31T12:18:43.000Z
- Updated: 2022-12-31T12:18:43.000Z
- Author: Murat Bayram
- Tags: کورمانجی, #Migrated-1779047441378, #wp, #wp-post, #Import 2026-05-17 22:50

“ده‌ما ئه‌ز هه‌ری که‌یفخوه‌ش ژی دبم و ده‌ما ئه‌ز هه‌ری خه‌مگین ژی دبم، ئه‌و ده‌م ئه‌ کو په‌یکه‌ران چێدکم. ئه‌ز ده‌ما به‌رهه‌مه‌کێ چێنه‌کم دکه‌ڤم ده‌پره‌سیۆنێ.”

![](https://botantimes.com/wp-content/uploads/2022/12/IMG_6091.jpg)

په‌یکه‌لتراش بلگه‌ کوتلویێ ئه‌ڤینا خوه‌ یا ژ بۆ په‌یکه‌لتراشیێ ب ڤان گۆتنان دیار کر و به‌رسڤا پرسێن بۆتان تمه‌سێ دا.

**چیرۆکێن ل پشت به‌رهه‌مان خه‌مبار ئن**

![](https://botantimes.com/wp-content/uploads/2022/12/IMG_6089.jpg)

په‌یکه‌ره‌کێ بلگه‌ کوتلویێ

“ئه‌ز ده‌ست داڤێژم که‌ڤره‌کێ. به‌رهه‌مه‌کا هوونه‌ری ژ وی که‌ڤری چێدکم. پاشێ گرانییا چیرۆکا ل پشت سلووه‌تێ به‌رهه‌مێ تێ بیرا من. ئه‌و چیرۆک نه‌ ب ته‌نێ شه‌کلی دده‌ به‌رهه‌ما من. شه‌کلی دده‌ هه‌ستێن من ژی.”

“هه‌ری زێده‌ شه‌کلێ ژنان چێدکم. ژنێن خوه‌دیێن چیرۆکێن دژوار… پاشێ ته‌هلیا وێ دژوارییێ گرانییه‌کێ ل سه‌ر دلێ من چێدکه‌. دخوازم ده‌رمانێ من ژی هه‌مان تشت به‌. ئه‌ز ئێ په‌یکه‌رێن ژنێن کورد ئێن بهێز چێبکم و هێزێ ژ وان په‌یکه‌ران بستینم.”

کورد، ژن، هوونه‌رمه‌ند

![](https://botantimes.com/wp-content/uploads/2022/12/Ekran-Resmi-2022-12-30-20.35.47.png)

“ئه‌ز کورده‌ک ئم زه‌همه‌تییێن وێ هه‌نه‌، ژنه‌ک ئم و هوونه‌رمه‌نده‌ک ئم. هه‌ر یه‌ک ژ ناسنامه‌یێن من خوه‌دیێن زه‌همه‌تییان ئن. ب سه‌ر هه‌مییان ڕه‌ ئاسته‌نگییێن ئه‌کۆنۆمیک ژی هه‌بوون ده‌مه‌کێ… من ژ ڕه‌خا ڕێیان که‌ڤر دزینه‌ و ب وان په‌یکه‌ر چێکرنه‌.”

![](https://botantimes.com/wp-content/uploads/2022/12/Ekran-Resmi-2022-12-30-20.23.24.png)

“ئه‌ز ڕه‌سام بووما. چێدبوو کو من ل قونجکه‌کا مالا خوه‌ کارێ خوه‌ بکرا. لێ ئه‌ز شه‌کلی ددم که‌ڤران، ماکینه‌یێن بهێز ب کار تینم. هه‌تا کو ژ به‌ر ڤێ یه‌کێ په‌ره‌یه‌کێ زێده‌ ددم ئه‌له‌کتریکێ. هه‌لبه‌ت دڤێ ل ستوودیۆیه‌کێ کار بکم. خه‌یال دکم ڕۆژه‌ک بێ، ده‌رفه‌ت چێبن و ئه‌ڤ ئاسته‌نگی ڕابن. ئوو… ئه‌ز به‌رهه‌مان ب دلێ خوه‌ چێکم.”

ژیان و پۆرتره‌یێن نیڤچه‌

“ڤێ گاڤێ ئه‌ز ل سه‌ر پۆرتره‌یێن نیڤچه‌، نیڤجۆ مایین دخه‌بتم. یانی ژیانێن ته‌مام نه‌بوویین: که‌سێن د ئه‌مرێ خوه‌ یێ جوانییێ ده‌ مرین، د زارۆکاتیا خوه‌ ده‌ هاتین زه‌وجاندن، یێن ژ به‌ر زه‌خت و زۆردارییێ ژ مال و وارێ خوه‌ ڕه‌ڤین…”