> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# VOA Kurdî - کوردێن ژ ڕۆژاڤایێ نکارن ڤەگەرن سەر ئاخا خوە
- URL: https://www.botantimes.com/-da-a9-d9-88-d8-b1-d8-af-db-8e-d9-86--da-98--da-95-db-86-da-98-d8-a7-da-a4-d8-a7-db-8c-db-8e--d9-86-da-a9-d8-a7-d8-b1-d9-86--da-a4-db-95-da-af-db-95-d8-b1-d9-86--d8-b3-db-95-d8-b1--d8-a/
- Published: 2024-12-28T14:23:15.000Z
- Updated: 2024-12-28T14:23:15.000Z
- Author: Botan Times
- Tags: کورمانجی, #Migrated-1779046579484, #wp, #wp-post, #Import 2026-05-17 22:37

کوردێن ڕۆژاڤایێ یێن کو ژ بەر شەری کۆچی تورکیێ کرنە، گۆتنە کو ئەو نهۆ نکارن ڤەگەرن سەر ئاخا خوە. چەکداران ملک و مالێن وان دەستەسەر کرنە و ئەولەهی تونە یە.

## ئەولەهی ل ڕۆژاڤایێ تونە یە

ئا.ه یێ کو د ٢٠١٤ێ دە ژ بەر ێریشێن دائیشێ ژ کۆبانیێ ڕەڤیایە، دبێژە کو شەر هین ژی بەردەوام ە. وی گۆت: "ئەز نکارم زارۆکێن خوە ببم جهەکێ کو ئەولەهی تێ دە تونە یە. پاشەرۆژا وان دێ چ بە؟"

## چەکداران ملک و مالێن کوردان دەستەسەر کرنە

م.د یا دایکا پێنج زارۆکان دبێژە کو چەکداران ل ئەفرینێ ٨٠٠ دارێن گز و زەیتونێن وان دەستەسەر کرنە. ژ بۆ ڤەگەراندنا مالێ باڤێ وێ ٢٥٠٠ دۆلار خوەستنە. وێ گۆت: "چەتە دبێژن کو گەر ئەم پەرەیان بدن وان ژی، چەتەیێن دی دێ دیسا مالێن مە دەستەسەر بکن."

## گوهەرینا دێمۆگرافیک ل ئەفرینێ

پشتی ئۆپەراسیۆنا تورکیێ یا ٢٠١٨ێ، پرانیا کوردێن ئەفرینێ کۆچبەر بوونە. م.د دبێژە: "نهۆ ئەرەب ل مالێن مە دژین. هەیا ئەو ژ ئاخا مە دەرنەکەڤن و ئەو دەر نەکەڤە بن دەستێ کوردان، ئەم نکارن ڤەگەرن."

## ل شامێ ڕەوش نە دیار ە

د ٨ێ بەرفانبارێ دە، ڕێڤەبریا شامێ کەتیە دەستێ هەیەت تەحریر ئەل-شام. پەنابەرەکا کورد ا ژ شامێ دبێژە کو لەشکەرێن ڕەژیمێ بەرێ ئاڤاهیا وان شەویتاندنە و ئەو ب ئالیکاریا جیرانێن خوە یێن ئەلەوی ڕزگار بوونە.

## هسد ل باکور و ڕۆژهلات دەستهلاتدار ە

باکور و ڕۆژهلاتێ سوریێ د بن کۆنترۆلا هێزێن سوریا دێمۆکراتیک دە یە. تورکیە وان وەک تەرۆریست دبینە، لێ ئەمریکا و کۆالیسیۆنا ناڤنەتەوی وان وەک هەڤپارێن خوە یێن شەرێ ل دژی دائیشێ ناس دکن.

چاڤکانی: عارف ئەسلان / ڤۆا کوردی بۆتان تایمز