> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# 21 "VPN" jî qedexe ne!
- URL: https://www.botantimes.com/21-vpn-ji-qede-ne/
- Published: 2024-08-05T12:34:15.000Z
- Updated: 2024-08-05T12:34:15.000Z
- Author: Botan Times
- Tags: Azadîya Xwe-îfadekirinê, #Migrated-1779046579484, #wp, #wp-post, #Import 2026-05-17 22:37

Li Tirkiyeyê sê roj in yek ji malperên herî mezin ên medyaya civakî ya bi navê Instagram qedexe ye. Ji ber qedexebûna Instagramê gelek bikarhênerên wê malperê Torên Taybet ên Sin'î (VPN, **virtual private network**) bi kar tînin.

Li gor malpera Komeleya Azadiya Xweîfadekirinê, li Tirkiyeyê 21 Torên Taybet ên Sin'î qedexe ne.

> [](https://twitter.com/engelliweb/status/1820100913106670082?ref=botantimes.com)

## Çi bûbû?

2yê meha 8ê Saziya Teknolojiyên Zanînê (BTK) malpera Instagramê qedexe kiribû. Li gor [nûçeya](https://medyascope.tv/2024/08/02/ozel-haber-iste-instagramin-kapatilma-nedeni/?ref=botantimes.com) malpera Medyascopê ji ber "heqareta li Atatirkî" "Îstismara Cinsî ya Li Zarokan" "Li ber dilî şirînkirina xumar û maddeyên hişbir" malpera Instagramê hatiye qedexekirin.

Şirketa Metayê ya xwediya Instagramê ye, yek ji şirketên Dewletên Yekbûyî yên Amerîkayê (DYA) ye. Heman şirket xwediya Facebook û WhatsAppê ye.

## Instagram

> **Instagram** malpereke parvekirina wêneyan e. Di vê malperê de mirov dikare wêneyên xwe parve bike.  
>  
> Instagram di çiriya pêşîn a 2011an de hatiye sazkirin. Ew [sepan](https://ku.wikipedia.org/wiki/Sepan?ref=botantimes.com) di ser de têne di [iPhone](https://ku.wikipedia.org/wiki/IPhone?ref=botantimes.com) de dihat bikaranîn lê edî êdî di [Androîdê](https://ku.wikipedia.org/wiki/Andro%C3%AEd?ref=botantimes.com) de jî tê bikaranîn. Îro 400 milyon bikarhênerê Instagramê heye.  
>  
> [Wikipedia Kurdî](https://ku.wikipedia.org/wiki/Instagram?ref=botantimes.com)