> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Amed - Ji ber Govendê 5 kes din jî desteser kirine
- URL: https://www.botantimes.com/amed-ji-ber-govende-5-kes-din-ji-desteser-kirine/
- Published: 2024-08-01T13:27:10.000Z
- Updated: 2024-08-01T13:27:10.000Z
- Author: Botan Times
- Tags: Çand û huner, Rojev, Kurd, Kurdî, #Migrated-1779046579484, #wp, #wp-post, #Import 2026-05-17 22:37

Li Pîrana Amedê bi hinceta govend û stranên kurdî 5 kes desteser kirine.

Van demên dawîyê li çendîn cihan vî tiştî rû daye û ew kesên ku govend gêrane hatine desteserkirin û bi hinceta "propagandaya PKK"yê hêzên ewlehîyê operasyonên xwe dike..

Herî dawî polîsan li Colemêrgê bi ser sê dawetan da girtibûn û çend kes desteser kiribûn. Di serdegirtinê da hunermend, kameravan û xwedîyên dawetê jî di nav de gelek kes hatin desteserkirin.

Li gorî nûçeya Rûdawê, Walîtîya Amedê got ku hêzên wan ji bo desteserkirina 7 kesên ku li gel stranên Kurdî govend gerandîye “operasyonek” kirîye.

Li gorî daxuyanîyê, 5 ji wan hatine desteserkirin û hêzên ewlehîyên yên Tirkîyeyê hewl didin her du kesên din jî bigirin.

Kesên hatin desteserkirin şandine Dozgerîya Komarê ya Amedê.

Wan 5 kesan dê piştî karên îfadewergirtinê bişînin Dadgeha Amedê.

Li hêla din, ev kiryarên Tirkîyeyê yên demên dawîyê rastî bertekên tund ên Kurdan tên.

***Wêne: Ajansa Mezopotamyayê***