> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Aram Dildar dê li Wanê Stand-Upa xwe bike
- URL: https://www.botantimes.com/aram-dildar-de-li-wane-stand-upa-xwe-bike/
- Published: 2024-11-18T07:22:12.000Z
- Updated: 2024-11-18T07:22:12.000Z
- Author: Botan Times
- Tags: Çand û huner, Nûçe, 2023, Aram Dildar, DIYARBEKIR, #Migrated-1779046579484, #wp, #wp-post, #Import 2026-05-17 22:37

Derhêner, senarîst û lîstikvan Aram Dildar dê li Wanê Stand-Upa xwe "Ne Wisa Ne jî Wilo" pêşkêşî bînerên xwe bike.

Aram Dildarê ku van salên dawî bi kurtefilmên xwe yên kurdî (Navnîşan & Hazirîyek Bo Derengmayînê) bi dehan xelat wergirtibûn, berê xwe dîsa daye Stand-Upê.

Dildar di Stand-Upa xwe da balê dikêşe ser têkilîyên navbera du nifş û du serdeman, wekî çavdêrekî civakê, hinek li ser derdor û heyata xwe ya şexsî hinek jî li ser civakê bi zimanekî hurgilîbêj û henekî performansa xwe pêşkêş dike.

Dildar li Wanê, 23yê Mijdarê li ŞanoWanê, saet 19:30an dê li pêşberî hezkirîyên xwe be.

Derhêner Aram Dildarî li ser hesabên xwe yên sosyal medyayê dabû zanîn ku ew dê dîsa dest pê Stand-Upê bike. Wî di peyama xwe da anîye ziman ku cesareta xwe ji geşbûna şanoya kurdî û mîzaha kurdî wergirtîye ku ew li Stand-Upê vegere. Senarîst Dildarî herî dawî sala 2008an Stand-Upek kiribû û ew 4 caran deketibû pêşberî bîneran.

Ji bo peydakirina bilêtan [bitikîne](https://biletinial.com/tr-tr/tiyatro/stand-up-aram-dildar?ref=botantimes.com).

![](https://botantimes.com/wp-content/uploads/2024/11/image-2.png)