> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Çapa çarem a pirtûka Bedirxanîyan derketiye
- URL: https://www.botantimes.com/capa-carem-a-pirtuka-bedirxaniyan-derketiye/
- Published: 2024-11-20T09:24:00.000Z
- Updated: 2024-11-20T09:24:00.000Z
- Author: Botan Times
- Tags: Edebiyat, Nûçe, #Migrated-1779046579484, #wp, #wp-post, #Import 2026-05-17 22:37

Li gorî agahîyên ku ji Weşanxaneya Avestayê hatine şandin, çapa çarem a pirtûka "Cızira Botanlı Bedirhaniler" derketiye. Pirtûka ku Malmîsanij nivîsiye, dîroka malbata Bedirxanîyan û bandora wan a li ser tevgera neteweyî ya Kurdan vedikole.

## Ji fabrîkayan heta sirgûnê

Emir Bedirxan di sala 1835ê de bûye Hakimê Kurdistanê. Wî li Cizîrê fabrîkayên barûtê ava kirine û xwendekar şandine Ewropayê. Li ser Gola Wanê dest bi çêkirina gemîyan kiriye û li ser navê xwe pere dane çapkirin.

## Rola malbatê di dîroka modern de

Malbata Bedirxanîyan di gelek waran de pêşengî kiriye. Mikdad Midhat rojnameya kurdî ya yekem derxistiye. Leyla Bedirxan wek balerîn nav daye. Celadet Alî Bedirxan kovara "Hawar"ê weşandiye ku di warê zimanê kurdî de xwedî cihekî girîng e.

## Naveroka pirtûkê

Pirtûk 384 rûpel e û tê de belgeyên Komeleya Malbata Bedirxanîyan jî hene. Her wiha di dawîya pirtûkê de albûmeka wêneyan heye ku jiyana malbatê nîşan dide. Pirtûk ji alîyê weşanxaneya Avestayê ve hatiye weşandin.

Çavkanî:  
Botan Times  
Weşanxaneya Avesta