> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Di Newroza  Aydinê de hunermend hatine desteserkirin, hunermendek hatiye girtin
- URL: https://www.botantimes.com/di-newroza-aydine-de-hunermend-hatine-desteserkirin/
- Published: 2022-03-22T10:39:45.000Z
- Updated: 2022-03-22T10:39:45.000Z
- Author: Botan Times
- Tags: Nûçe, SERNÛÇE, Aydın Efeler, Aydın Newroz, NEWROZ, Serhat Kural, Veysel Ciwan, #Migrated-1779047441378, #wp, #wp-post, #Import 2026-05-17 22:50

7 hunermendên ku di pîrozbahiya navçeya Efeler a Aydinê derketibûn ser dikê, piştî pîrozbahiyê hatine desteserkirin.

Li navçeya Efeler a Aydinê bi tevlibûna hezaran kesan Newroz bi coşeke mezin hate pîrozkirin. Hunermendên ku di pîrozbahiyê de derketibûn ser dikê piştî pîrozbahiyê hatine desteserkirin. Li gel hunermend Veysel Ciwan û Serhat Kural, her wiha 5 kesên di orkestrayê de cih digirtin, piştî pîrozbahiyê ji bo ku biçin bajarên xwe çûne otogar û balafirxaneyê û li wir hatine desteserkirin.

Stranên ku hunermendan di pîrozbahiyê de strandine weke hinceta desteserkirinê hatiye nîşandan. Hunermendên hatine binçavkirin birin Midûriyeta Emniyetê ya Aydinê.

Li gor agahîyên dawîn Serhat Kural û orkestra bi şertê qedexeya derketina derveyî welêt hatine berdan lê stranbêj Veysel ciwan hatiye girtin.

Serhat Kural di hesabê xwe yê twîtterê de ev agahî piştrast kiriye. aydı

> [](https://twitter.com/serhatkural81/status/1506009382626238464?s=20&t=KO6gQus%5FDaetVH-e4W6SxQ&ref=botantimes.com)