> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Eyfel bi rengên kesk û sor û zer nehatiye ronîkirin: BotanTeyîd
- URL: https://www.botantimes.com/eyfel-bi-rengen-kesk-u-sor-u-zer-nehatiye-ronikirin-botanteyid/
- Published: 2023-01-08T12:16:50.000Z
- Updated: 2023-01-08T12:16:50.000Z
- Author: Murat Bayram
- Tags: BotanTeyîd, Nûçe, SERNÛÇE, #Migrated-1779046941970, #wp, #wp-post, #Import 2026-05-17 22:43

Li hesabên medyaya civakî wêneyek hatiye belavkirin ku tê de tê diyarkirin Birca Eyfelê bi rengên kesk û sor û zer hatiye xemilandin.

Lê ev ne rast e.

[![](https://botantimes.com/wp-content/uploads/2023/01/Ekran-Resmi-2023-01-08-15.03.14.png)](https://twitter.com/ItalyanKrd4/status/1611488363454009344/photo/1?ref=botantimes.com)

Ji kamêreyên 24 seetan li Birca Eyfelê dinêrin dîyar dibe ku şeva dî bi tenê bi rengê zer hatiye ronîkirin.

Bi kamêreyê bibîne: [Skyline WebCams](https://www.skylinewebcams.com/en/webcam/france/ile-de-france/paris/tour-eiffel/timelapse.html?ref=botantimes.com)

![](https://botantimes.com/wp-content/uploads/2023/01/Ekran-Resmi-2023-01-08-14.58.42.png)

Eyfel şeva dî bi vî rengî dixweya

[Malpera Kedistanê 01.01.2023yê ev wêne parve kiriye ](https://www.kedistan.net/2023/01/06/fransa-kurt-dostu-gel-de-inan/?ref=botantimes.com)û bi notekê diyar kiriye "ev wêne fotomontaj e."

Lê paşê hin bikarhênerên medyaya civakî heman wêne wek rastî be weşandiye.

Wêne ne cara yekem e ku tê weşandin. 30.10.2022yê jî hesabekê bi navê Paris Shop heman wêne parve kiriye.

**Gelo alaya Malîyê ye?**

Sala 2015ê piştî bûyereka dîlgirtinê li Malîyê 27 kes miribûn. Bûyer 13ê Çiriya Paşiyê pêk hatibû û hatibû îdiakirin ku 15ê heman mehê Eyfel bi rengên alaya Malîyê hatiye ronîkirin.

16ê Çiriya Paşiyê, Şaredariya Parîsê televizyona Fransayê, [Franceinfo TV piştrast kiriye ku Eyfel 16ê mehê bi rengên alaya Fransayê, Şîn, spî û sor hatiye ronîkirin.](https://www.francetvinfo.fr/faits-divers/terrorisme/attaques-du-13-novembre-a-paris/non-la-tour-eiffel-n-a-pas-ete-eclairee-aux-couleurs-du-drapeau-malien%5F1186153.html?ref=botantimes.com)

![](https://botantimes.com/wp-content/uploads/2023/01/Ekran-Resmi-2023-01-08-22.34.47.png)

Dîroknasa Tirk Ayşe Hur jî yek ji wan kesan e ku îdia kiriye Eyfel sala 2015 ji bo piştgirîya Malîyê bi rengên kesk û sor û zer hatiye ronîkirin

**Me wêneyê fotomontaj bi "lêgerîna bi wêneyan" ji Google û Yandexê peyda kir.**