> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Ferhenga termên derûnnasiyê bi kurdî hatiye weşandin
- URL: https://www.botantimes.com/ferhenga-termen-derunnasiye-bi-kurdi-hatiye-wesandin/
- Published: 2025-05-04T09:06:05.000Z
- Updated: 2025-05-04T09:06:05.000Z
- Author: Botan Times
- Tags: Nûçe, #Migrated-1779045399267, #wp, #wp-post, #Import 2026-05-17 22:16

### E-kitêba zanistî valahiyên terminolojîk tije dike

Ferhenga Termên Derûnnasiyê (Dictionary of Psychology) ya bi zimanê kurdî, ji aliyê Brahîmê Alûcî ve hatiye amadekirin û di Gulana 2025ê de li Mêrdînê weke e-kitêb hatiye weşandin. Ev ferheng armanc dike ku têgehên bingehîn û sereke yên derûnnasiyê bi kurdî pêşkêş bike.

### Têgehên zanistî

Di naveroka ferhengê de, têgehên cida yên derûnnasiyê ji têgihîştina bingehîn a hişê mirovî heta şaxên derûnnasiyê, weke derûnnasiya klînîkî, derûnnasiya civakî, û derûnnasiya geşedanê, bi awayekî hêsan hatine şîrovekirin. Her têgeh bi terma xwe ya îngilîzî hatiye diyarkirin da ku xwîner karibin têkiliyê di navbera zimanê kurdî û terminolojiya navneteweyî de çêbikin.

### Çavkaniyên bingehîn

Ferheng bi hewldaneke hevpar a pisporên zimanê kurdî û derûnnasiyê hatiye amadekirin û termên wê ji çavkaniyên weke Kovara Derûnnasiyê ya Kurdî û Ferhenga APA Dictionary of Psychology hatine wergirtin. Armanca ferhengê ew e ku bibe bingehek ji bo xebatên dî yên di warê derûnnasiyê de bi zimanê kurdî.

Amadekarê ferhengê, Brahîmê Alûcî, ji beşdaran spasî kiriye û hêvîdar e ku ev xebat bibe ronahiyek ji bo lêkolînên zanistî yên bi zimanê kurdî.

*Botan Times*

[Ferhenga Termên Derûnnasiyê (Xebat)](https://botantimes.com/wp-content/uploads/2025/05/Ferhenga-Termen-Derunnasiye-Xebat.pdf?ref=botantimes.com)[İndir](https://botantimes.com/wp-content/uploads/2025/05/Ferhenga-Termen-Derunnasiye-Xebat.pdf?ref=botantimes.com)