> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# GGC, dê Perwerdeya Bernameyên Hişê Çêkirî bide
- URL: https://www.botantimes.com/ggc-de-perwerdeya-bernameyen-hise-cekiri-bide/
- Published: 2024-01-19T08:18:11.000Z
- Updated: 2024-01-19T08:18:11.000Z
- Author: Botan Times
- Tags: Nûçe, 2023, Amed, DIYARBEKIR, GGC, Kurd, Kurdî, #Migrated-1779046579484, #wp, #wp-post, #Import 2026-05-17 22:37

Güneydoğu Gazeteciler Cemiyeti (GGC) (Cemîyeta Rojnamegerên Başur-Rojhilatê) dê *Perwerdeya Sepanên (bername) Hişê Çêkirî* bide.

GGC armanca vê perwerdeyê wisa dîyar dike ku ew dixwazin beşdaran fêrî agahîyên pêwîst yên derbarê hişê çêkirî da û bikaranîna wê di rojnamegerîyê da bikin. Herwiha, di encama dersan da, dê ew şîyana beşdaran hebe ku bikaribin hişê çêkirî li ser rojnamegerîyê tetbîq bikin.

Pisporê Medyaya Dîjîtal û Berpirsê Karên Derveyî yê GGcyê Hozan Adar dê dersan bide.

Di çarçoveya perwerdeyê da, dê li ser mijarên wekî bingehên hişê çêkirî, qadên bikaranînê, berpirsyarîyên etîk û geşedanên teknolojîk yên aktuel bê sekinîn.

Beşdarî bê pere ye û piştî perwerdeyê dê sertifîka bêne dayîn.

Serlêdanên perwerdeyê heta 26ê Rêbendanê, saet 17:00 dê berdewam bin.

Ders dê 27ê Rêbendanê saet 13:00an, li Botan Internationalê dest pê bike û dê 3 saetan bidome.

Ji bo forma serlêdanê [bitikîne](https://docs.google.com/forms/d/e/1FAIpQLScgZrKS3Tei1DPFeZ%5F2t2uDuoPr7RBHfpiYjq6gZkgBU%5Fd%5FAg/viewform?ref=botantimes.com).