> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Hejmara 88an ya Bîrnebûnê derket
- URL: https://www.botantimes.com/hejmara-88an-ya-birnebune-derket/
- Published: 2024-01-03T07:18:34.000Z
- Updated: 2024-01-03T07:18:34.000Z
- Author: Botan Times
- Tags: Nûçe, 2023, Amed, DIYARBEKIR, Kurd, Kurdî, #Migrated-1779046579484, #wp, #wp-post, #Import 2026-05-17 22:37

Kovara Bîrnebûnê hejmara xwe ya 88an çap kir û belav kir.

Bîrnebûn kovareka çarmehane ye û di vê hejmarê da cih daye nivîsên wekî gotar, hevpeyvîn, çîrok, helbest û hin cûreyên din.

Li ser çand, huner û dîroka Kurdên Anatoliya Navîn gelek rapor, nivîs, hevpeyvîn, çîrok, gotar û helbest hatin weşandin.

Kovara Bîrnebûnê 27 sal in weşana xwe didomîne.

**Naveroka kovarê**

Ji bîrnebûnê, Alî Çîftçî  
Rêwîyê Helbestan; Mem Xelîkan, Memduh Selim  
Di rojên îmzeyê da eleqeyên baş hebûn, Adem Özgür  
Qamyona Îzzet, Mem Xelikan  
Medyaya civakî û diyasporaya kurdî, Prof. Dr. Haci Akman  
Hewî, Bêrîvan Xizêmzêr  
Çend kilamên dila ji gundê Mikaîla, Dr. Mikaîlî  
Huner, Muzaffer Özgür  
Ken, Rojvan Enes  
Bayê vejînê, Xizan Şîlan  
Maf û Axa, Newal Iskan  
Koçberî û bêwelatî: Di navbera du welatan da kurik bûn, Adem Özgür  
Romanek ji edebîyata kurdên Anatoliyê, Rohat Alakom  
Henek, Seyfi Doğan  
99 gotinên Albert Einstein, Wergera ji almanî: Nuh Ateş  
Qerfo, Seyfi Doğan  
Quto, Seyfi Doğan  
Helbest, Seyfi Doğan  
Sirî zivîrok, Bilal Celepli  
Kurdistana bê nasname, Mehtab Îdelî  
Bê(sedem) kurteyeka wêjeyî ya derûnîya hezkirinê, Mistoyê Heco

**Kovara Bîrnebûnê**

Komek rewşenbîrên ji kurdên Anatoliyê, li Almanyayê li ser derxistina kovarekê li hev kirin û li Newroza 1997an de bi hejmara yekem a Bîrnebûnê derketin pêşberî xwendevanên xwe. Kovarê, piştî hejmara duyemîn di bin Weşanxaneya APECê li Swêdê dest bi weşanê kir. Bîrnebûn bi sernavê “kovara hunerî, çandî û lêkolînî ya kurdên anatoliyê” derdikeve û heta niha di derbarê kurdên Anatoliyê de gelek çavkanî weşand. Dîrok, civaknasî, erdnîgarî, etnolojî, folklor û devoka kurdên Anatoliyê; eşkerekirina belge û agahiyên ku heta îro nehatine vekolîn û veguheztina çavkaniyên devkî ji armancên herî girîng ên kovarê ne. Di kovarê de dîrok, wêje, kurteçîrok, çîrok, helbest, şano, folklor, efsane û wergerên li ser kurdên Anatoliyê cîh digrin. Nivîskarên Bîrnebûnê di kovarê da li ser lêkolînên çandî, dîrokî û edebî disekinin. Ji ber vê yekê kovar, di çerçoveya prensîba bêalîbûnê de tê çapkirin. Ev yek jî di hejmara “Destpêk” a hejmara yekem a kovarê de, ku li ser dîrok û çanda kurdî radiweste, hatiye teqezkirin.  
Her wiha heta niha gelek nivîskaran di kovarê de cîh girtin û gelek nivîs, hevpeyvîn û nûçe amadekirin.