> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Hevserokê HEDEPê yê Bongilanê hate girtin
- URL: https://www.botantimes.com/hevseroke-hedepe-ye-bongilane-hate-girtin/
- Published: 2023-11-11T09:23:50.000Z
- Updated: 2023-11-11T09:23:50.000Z
- Author: Botan Times
- Tags: Nûçe, 2023, Amed, DIYARBEKIR, HDP, HEDEP, Kurd, Kurdî, #Migrated-1779046941970, #wp, #wp-post, #Import 2026-05-17 22:43

Hevserokê HEDEP’ê yê navçeya Bongilana Çewlîgê Ubeyîp Ozer jî di nav de 5 kes bi îdiaya “endamtiya rêxistinê” hatin girtin.

Polîsan, 6 û 7ê Mijdarê li Çewlîgê û navçeyên wê Dara Hênê, Kanîreş û Bongilanê bi ser malan da girtîbû û 18 kes hatibûn desteserkirin ku Hevserokê HEDEP’ê yê Navçeya Bongilanê Ubeyîd Ozer jî di nav wan da bû. Desteserkirî hemû li Midûriyeta Polîsan a Çewligê hatibûn ragirtin.

11 kes ji wan piştî îfadeyên wan yên li midurîyeta polîsan hatin berdan, Hevserokê Partiya Wekhevî û Demokrasiyê ya Gelan (HEDEP) Ubeyîd Ozer, Mazlûm Serînyel, Abdûrrahman Sav, Şefîka Dogan û Alaattîn Narînç di nav de 7 kes sewqî Edliyeya Çewlîgê hatin kirin.

Li gorî nuçeya [Ajansa Mezopotayayê](http://mezopotamyaajansi35.com/kr/HEM-NCE/content/view/223900?ref=botantimes.com) 7 kesên bi îdiaya “endamtiya rêxistinê” û “fînansekirina rêxistinê” tên sûcdarkirin piştî wergirtina îfadeyên wan yên dozgerîyê bi daxwaza girtinê sewqî Dadgeha Ceza ya Sulh a Nobedar hate kirin. Hevserokê HEDEP’a Bongilanê Ozer, Serînyel, Sav, Dogan û Narînç bi heman îdiayan ji aliyê dadgehê ve hatin girtin û 2 kes jî bi şertê kontrola edlî hatin berdan.