> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Hunergeha Welat filma 'Stranên Kezîya Sor' weşand
- URL: https://www.botantimes.com/hunergeha-welat-filme-stranen-keziya-sor-wesand/
- Published: 2024-03-04T11:42:13.000Z
- Updated: 2024-03-04T11:42:13.000Z
- Author: Botan Times
- Tags: Nûçe, 2023, Amed, DIYARBEKIR, Kurd, Kurdî, #Migrated-1779046579484, #wp, #wp-post, #Import 2026-05-17 22:37

Hunergeha Welat filma Stranên Kezîya Sor li ser hesaba xwe ya YouTubeyê weşand.

Stranên Kezîya Sor filmeka muzîkal e ku ji 20 deqîqeyan pêk tê. Di temamîya vîdeoyê da li ser têkoşîna jinan a cîhanê hatîye sekinîn ku di encamê da şoreşa jinan pêk hatîye.

Ji tevahî pêkhateyên herêma Bakur û Rojhilatê Sûrîyeyê 200 jin di fîlmê da cih digirin. Fîlm li Reqa û herêma Cizîrê hatîye kişandin.

Fîlma muzîkal a bi navê “Stranên Keziya Sor” li navendên çand û hunerê yên bajarê Qamişlo, Kobanê, Tebqa û Reqayê hate nîşandan.

Ev filma muzîkal bi hevkarîya Tevgera Çand û Hunera Jin a Hîlala Zêrîn, Tevgera Çand û Hunerê ya Mezopotamyayê, Sazîya Çandê ya Pargîn û Hunergeha Welat ve hatîye çêkirin.

Senaryo û derhênan ji alîyê Şêro Hindê ve hatîye kirin. Muzîk Mehmûd Berazî amade kirîye û gotin jî ji alîyê Ibrahîm Feqe û Delîl Mîrsaz ve hatine nivîsîn.