> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# IPI: Ne cara ewil e ku MHP rojnamegeran wekî hedef nîşan dide
- URL: https://www.botantimes.com/ipi-ne-cara-ewil-e-ku-mhp-rojnamegeran-weki-hedef-nisan-dide/
- Published: 2024-07-26T14:53:58.000Z
- Updated: 2024-07-26T14:53:58.000Z
- Author: Botan Times
- Tags: Rojnamegerî, Amed, DIYARBEKIR, Kurd, Kurdî, #Migrated-1779046579484, #wp, #wp-post, #Import 2026-05-17 22:37

Enstutîya Çapemenîyê ya Navneteweyî (IPI), guvaşa MHPyê ya li ser rojnamegeran şermezar dike ku wan rojnamegeran qetilkirina Sinan Ateş kiribûn nûçe. MHPyê daxwaznameyek pêşkêşî mehkemeyê kirîye û tê da 63 rojnameger aşkerayî wekî hedef hatine nîşandan, ev hewl rasterast êrişek e li ser azadîya çapemenîyê û di heman demê guvaşek e li ser medyayê.

IPI bangî hikumeta Tirkîyeyê û hemî partîyên sîyasî dike ji bo ku rêzê li rola çapemenîyê bigirin û ewlehîyê bo rojnamegeran pêk bînin.

Sinan Ateş serokê berê yê “Ülkü Ocakları” ku şaxa ciwanan ya MHPyê ye, 30ê Berfanbara 2022yan li Enqereyê rastî suîkastekê hat û ew hat kuştin. Di danişîna dawî ya Ateş da parêzerên partîyê daxwaznameyek da û teleb kir ku “MHP mexdûr e û alîyê mexdûr e” lêbelê mehkemeyê ew teleb red kir.

Ne cara ewil e ku MHP rojnamegeran wekî hedef nîşan dide. Herî dawî, 13yê Hezîrana 2024an, di qenala Halk TVyê da pêşkêşkarê bernameya “Xeta Sor” Gözde Şeker û beşdarê bernameyê rojnameger İbrahim Kahveci, bi peyaman ji alîyê endamên MHPyê ve hatine tehdîtkirin. Piştî du hefteyan, Seroka MHPyê Devlet Bahçeli, berdewamî Halk TV û sazîyên wê sucdar kir û îda kir ku ew manîpîlasyonê dikin.

[ji bo agahîyên berfirehtir bitikîne.](https://freeturkeyjournalists.ipi.media/tr/turkiye-ipi-sinan-ates-cinayetini-haber-yapan-gazetecilerin-hedef-gosterilmesini-kiniyor/?ref=botantimes.com)