> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# İsmail Safa Çi Kes Bû, Bû Çi Kes?
- URL: https://www.botantimes.com/ismail-safa-ci-kes-bu-bu-ci-kes/
- Published: 2024-10-26T08:23:10.000Z
- Updated: 2024-10-26T08:23:10.000Z
- Author: Omer Faruk Baran
- Tags: Nivîskar, Nûçe, #Migrated-1779046579484, #wp, #wp-post, #Import 2026-05-17 22:37

Şair İsmail Safa, ku di edebiyata Tirkî de bi hez û hewesa xwe ya li ser qafîyeyan tê naskirin, di şiîreka xwe de bi gotinên mehnedar behsa Ereb, Laz û Kurdan dike.

  
Di şiîrê de, ji Tirkî ber bi Kurdî ve, bi tercûmeyeka me ya hema çitolêhato wanî dibêje İsmail Safa:

> Ereb û Kurd ne Laz bûn  
> mirîşk ciliq ne qaz bûn  
> beq nikane mange be   
> li dêve nê qezazbûn

[![](https://substackcdn.com/image/fetch/w_1456,c_limit,f_auto,q_auto:good,fl_progressive:steep/https%3A%2F%2Fsubstack-post-media.s3.amazonaws.com%2Fpublic%2Fimages%2F2cc684cc-0e3d-4cd7-8000-cdc9756af6d1_735x413.heic)](https://substackcdn.com/image/fetch/f%5Fauto,q%5Fauto:good,fl%5Fprogressive:steep/https%3A%2F%2Fsubstack-post-media.s3.amazonaws.com%2Fpublic%2Fimages%2F2cc684cc-0e3d-4cd7-8000-cdc9756af6d1%5F735x413.heic?ref=botantimes.com)

**İsmail Safa. Foto: Wikimedia**

Ew şairê bi eslê xwe ji hêla Qeredenizê ye sala 1901ê li Sêwasê li sirgûnîyê canê xwe ji dest daye. Tê gotin ku paşayê Osmanliyê yê wê çaxê ew jiber danûstandina wî ya bi Îngilizan re şandiye sirgûnîyê.  
  
Tarîxçîyên edebiyatê dibêjin sermaya Sêwasê bi İsmail Safa pir sert hatiye û ew bi wê sar û seqemê hîn di 33 salîya xwe de miriye.  
  
Bes rêberê şiîra Tirkî Tevfik Fikret di şiîreka xwe de îdia dike ku sebeba mirina İsmail Safa qafîye ye.

[![](https://substackcdn.com/image/fetch/w_1456,c_limit,f_auto,q_auto:good,fl_progressive:steep/https%3A%2F%2Fsubstack-post-media.s3.amazonaws.com%2Fpublic%2Fimages%2F9e9811fd-132e-4452-9073-6f62fa85a268_826x465.jpeg)](https://substackcdn.com/image/fetch/f%5Fauto,q%5Fauto:good,fl%5Fprogressive:steep/https%3A%2F%2Fsubstack-post-media.s3.amazonaws.com%2Fpublic%2Fimages%2F9e9811fd-132e-4452-9073-6f62fa85a268%5F826x465.jpeg?ref=botantimes.com)

**Tevfik Fikret. Foto: TDV - İslam Ansiklopedisi**

Tevfik Fikret di şiîrê de ser İsmail Safa dibêje:

> berê Laz bû ew paşê bû Kurd  
> bi nexweşîya qafîye mird

Bi qasî ku tê xanê Tevfik Fikret bi mîzahşorîya xwe gotiye İsmail Safa bi nexweşîya qafîyeyan miriye, bes wî seba çi ser şairê mirî gotiye paşê bûye Kurd, me pirsî, me pirsî ji kovar û kitaban, lê me cewaba vê pirsê nedî.

**Omer Faruk Baran**

**BÎBLÎYOGRAFYA**

100 Ünlü Türk - Tevfik Fikret, Hürriyet Gazetesi, 1980  
  
İbnülemin Mahmud Kemal İnal, Son Asır Türk Şairleri, Milli Eğitim Basımevi - 1969  
  
Tevfik Fikret, TDV - İslam Ansiklopedisi, 2024  
  
İsmail Safa, Wikimedia, 2024