> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Îtalyayê nîşana xwe ya herî bilind daye Nêçîrvan Barzanî
- URL: https://www.botantimes.com/italya-nisana-xwe-ya-heri-bilind-daye-necirvan-barzani/
- Published: 2026-07-09T11:09:30.000Z
- Updated: 2026-07-09T12:00:59.000Z
- Author: Botan Times

Serokê Herêma Kurdistanê Neçîrvan Barzanî xelata herî bilind a dewleta Îtalyayê, "Nişana Mezin a Xaça Şovalyetîyê, Stêrka Îtalyayê" standiye. 

Serokkomarê Îtalyayê ev xelat wekî sembola hevalbendîya stratejîk û bawerîya tam daye serokê herêmê. 

Serkonsolosê Îtalyayê yê Hewlêrî Tommaso Sansone di merasîmê de axivîye û keda Barzanî ya ji bo têkilîyên piralî bilind şîrove kiriye. Sansoneyî dîyar kiriye ku Barzanî di xurtkirina têkilîyên navbera Îtalya, Iraq û Kurdistanê de roleka sereke lîstiye.

## Wateya nişana bilind 

![](https://storage.ghost.io/c/30/78/3078d29f-396a-43b0-b7b7-1bc59fe4b4b6/content/images/2026/07/HMuQRQ4X0AAzahm.jpeg)

Serokkomarê Îtalyayê vê nişana taybet bi pêşniyara Wezareta Karên Derve û bi pejirandina Konseya Nişanê amade dike. Dewlet vê xelatê tenê dide kesên serkeftî yên ku di warê dostanî û hevkariya navneteweyî de kedeka mezin dane. Sansone giringîya xebatên Barzanî yên di dema Serokwezîrî û Serokatîya Herêmê de nîşan daye. Barzanî di van her du serdeman de bi Balyozxaneya Îtalyayê ya Bexdayê û Serkonsolosxaneya Hewlêrê re hevkarîyeka nêzîk pêk aniye.

## Vekirina dergehên aborî û geşepêdana dîplomasiyê

Piştî hilweşîna rejîma Baasî, fîrmayên îtalyanî bi hêsanî ketin bazarên Iraq û Kurdistanê û Barzanî ji bo pîşesazîya wan rê vekiriye. Wî di navbera salên 2007 û 2010an de piştgîrîyeka xurt da fûarên "Italy Expo" û aborîya herêmê geş kiriye.

Nûneratîya Îtalyayê ya Hewlêrî jî bi saya vê piştgîrîyê gav bi gav pêş ketiye. Buroya Balyozxaneyê di sala 2011an de li Hewlêrê dest bi karî kiriye û ev sazî di sala 2016an de bûye konsolosxane. Di dawîyê de, yanî di sala 2024an de ev nûneratî gihîştiye asta serkonsolosxaneyê/sefaretê.

## Ewlehîya tîmên leşkerî û şûnwarnasiyê

Barzanî ji bo saziyên Kurdistanê fermanên nû derxistine û rênîşanderî kiriye. Sazîyan bi vê fermanê alîkarîyeka mezin daye leşkerên îtalyanî yên li herêmê. Her weha saziyên herêmê parastina 12 tîmên arkeolojîyê yên Îtalyayê jî pêk aniye û rê li ber xebatên zanistî vekiriye.

Çavkanî: X, Rûdaw