> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Ji bo Şaredariya Esenyurtê qeyûm hat wezîfedarkirin
- URL: https://www.botantimes.com/ji-bo-saredariya-esenyurte-qeyum-hat-wezifedarkirin/
- Published: 2024-10-31T07:11:15.000Z
- Updated: 2024-10-31T07:11:15.000Z
- Author: bianet
- Tags: Nûçe, Rojev, Amed, DIYARBEKIR, Kurd, Kurdî, #Migrated-1779046579484, #wp, #wp-post, #Import 2026-05-17 22:37

Wezareta Navxweyî Şaredarê Esenyurtê Ahmet Ozer ê ku duh bi şev bi îdiaya "endamtiya rêxistinê" hat girtin ji wezîfeyê girt û li şûna wî qeyûm tayîn kir.

Wezaretê daxuyanî da û diyar kir ku Alîkarê Waliyê Stenbolê Can Aksoy wek qeyûm ji bo Şaredariya Esenyurtê hat erkdarkirin.

**Di daxuyaniya wezaretê de weha hatiye gotin:**

“Daxuyaniya me ya Çapemeniyê ya têkildarî Serokatiya Şaredariya Esenyurtê:

“Şaredarê Esenyurtê Ahmet OZERê ku di çarçoveya lêpirsîna bi hejmara 2024/162302 ya Serdozgeriya Komarî ya Stenbolê de ji aliyê dadgehê ve bi tohmeta ku 'Endamê Rêxistina Terorê ya Çekdar PKK/KCKê ye' hat girtin. Li gorî xala 127an a Destûra Bingehîn û xala 47an a Qanûna Şaredariyê ya bi hejmara 5393an, ji aliyê Wezareta Karên Navxweyî ve weke tedbîreke demkî ji wezîfeyê hat dûrxistin.”

“Li gorî xalên 45 û 46an ên Qanûna Şaredariyê ya bi hejmara 5393an Alîkarê Waliyê Stenbolê Can AKSOY ji aliyê Walîtiya Stenbolê ve weke qeyûm ji bo Şaredariya Esenyurtê hat tayînkirin.”