> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Jina Êzidî ya DAIŞê revandibû li Xezeyê hatiye rizgarkirin
- URL: https://www.botantimes.com/jina-ezidi-ya-daise-revandibu-li-xezeye-hatiye-rizgarkirin/
- Published: 2024-10-03T19:27:34.000Z
- Updated: 2024-10-03T19:27:34.000Z
- Author: Botan Times
- Tags: Jin, Nûçe, #Migrated-1779046579484, #wp, #wp-post, #Import 2026-05-17 22:37

F. S., dema ku 11 salî bû, ji aliyê endamên DAIŞê ve ji Şengalê hatibû revandin. Piştî revandina xwe, ew hat firotin û anîn Xezeyê.

Di operasyonê de Amerîka, Îsraîl, Urdun û Iraq beşdar bûn. Li gorî rayedaran, ji ber rewşa ewlehiyê ya li Xezeyê, hewldanên berê bi ser neketibûn. Silvan Sincarî, berdevkê Wezareta Karên Derve ya Iraqê, got ku F.S. ji aliyê fizîkî ve baş e, lê dîlîtî û krîza mirovî ya li Xezeyê bandor lê kiriye.

Rayedarên Îsraîlê ragihandin ku F. ji aliyê hêzên ewlehiyê yên Îsraîlê ve hatiye rizgarkirin. Di vê operasyonê de kesê ku F.S. dîl girtibû hat kuştin. Hûrgiliyên operasyonê nehatine eşkerekirin.

Ev bûyer careke din bala civaka navneteweyî kişand ser dramaya êzidiyan. Di sala 2014an de, DAIŞê ji herêma Şengalê zêdetirî 6 hezar êzidî revandin. Neteweyên Yekbûyî vê bûyerê wek jenosîd bi nav dike. Li gorî rayedarên Iraqê, zêdetirî 3500 êzidî hatine rizgarkirin, lê 2600 kes hîn jî winda ne.

Rizgarkirina Fyê hêviyê dide malbatên êzidiyan ku hîn li benda vegerîna endamên xwe yên windabûyî ne.

*Çavkanî: Medyascope*

Wêne: Arşîv, Pixabay, wêneyên bêtelîf

(Botan Times wêneyên Ajansa Dewletê ya Iraqê ji bo parastina mafên FSyê parve nake.)