> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Koçeka sedsalî: Êla Şewaxan
- URL: https://www.botantimes.com/koceka-sedsali-ela-sewaxan/
- Published: 2023-08-21T14:49:25.000Z
- Updated: 2023-08-21T14:49:25.000Z
- Author: Mem Artemêt
- Tags: Nivîskar, SERNÛÇE, WÊNE-NÛÇE, 2023, Kurd, Kurdî, Mem Artemêt, şawexan, Wêne, zozoan, #Migrated-1779046941970, #wp, #wp-post, #Import 2026-05-17 22:43

Şewaxiyên ku navenda wan Pêrteg û Çemîşgezeka Dêrsimê ye, bi sedan sal in li çol û çiyayên Dêrsim, Erzîngan, Sêwas, Çewlîg, Xarpêt û bajarên derdorê pezê xwe diçêrînin û jiyaneka nîvkoçerî derbas dikin. Ev êla ku weke Şikak jî tên zanîn, zazakî û kurmancî diaxivin. Şewaxî di nîvê biharê de ji bo ku herin çiyayên bilind, derdikevin rêyeke zehmet û bi baran û berfê re dicengin, av û çaya xwe ji berfa ku dihelînin dabîn dikin û sifreyên xwe li quntarên hênik datînin ku li ser gîhayên kovî jî peyda dibin. Bi sarbûna hewayê re seferên vegerê dest pê dikin, ewilî şivan û dû re bêrî bi rê dikevin. Di dawiya rêwîtiyê de ku bi mehan didome, digihijîn gundê xwe û bi gihîştinê ve dîsa bi berf û baranê re rû bi rû dimînin heta heyameka din a koçê.

![](https://botantimes.com/wp-content/uploads/2023/08/IMG_8023-01.jpeg)

Pez ji çêreyê vedigere û ber bi axilên zozanan ve diçe.

![](https://botantimes.com/wp-content/uploads/2023/08/IMG_7942-01.jpeg)

Nîvê jiyana şewaxiyan di bin konan de derbas dibe, di van konan de sobe jî hene, li ser van sobeyan xwarin dipije û av, şîr û çay dikele. Van salên dawiyê akûyên cêranê li konan hatine kişandinê û jiyan li gor berê rehettir bûye.

![](https://botantimes.com/wp-content/uploads/2023/08/30_MEMART_4.jpg)

Şivanekî afgan bi kera xwe ji çêrandina pezî vedigere.

![](https://botantimes.com/wp-content/uploads/2023/08/20230820131601_IMG_1860-01.jpeg)

Jinên şewaxî bo debarê penêr çêdikin û şîr difiroşin.

![](https://botantimes.com/wp-content/uploads/2023/08/IMG_8019-01.jpeg)

Ji biharê heta payîzê nîvî dibe şewaxî li zozanan in û di konan de dihêwirin.

![](https://botantimes.com/wp-content/uploads/2023/08/IMG_7918-01.jpeg)

Zarokekî şewaxî ku zarokatiya wî li zozanan derbas dibe.

![](https://botantimes.com/wp-content/uploads/2023/08/30_MEMART_5-01.jpeg)

Miraz berêvarkî pêz berdide axilî û mîh berxên xwe dimêjînin.