> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# KURTEPIRS: Resul Bafeyî
- URL: https://www.botantimes.com/kurtepirs-resul-bafeyi/
- Published: 2024-08-08T12:29:06.000Z
- Updated: 2024-08-08T12:29:06.000Z
- Author: Engin Ölmez
- Tags: Hevpeyvîn, DIYARBEKIR, Kurd, Kurdî, resul bafeyi, #Migrated-1779046579484, #wp, #wp-post, #Import 2026-05-17 22:37

**Heke te nameyek ji xwedê ra binivîsîya dê te çi bigota?**

Xwedê ma gunehê me kurdan çi bû? Kê ji me guneheke mezin kiriye ku em vê êşê dikêşin.

**Kesayetê/a tu herî zêde jê hez dikî kî ye?**

Hozan Serhad.

**Heke te bo xwe cîhanek ava bikira te nedixwest çi lê biqewime?**

Şer.

**Kitêba herî zêde tu jê hez dikî kîjan e?**

Soryaz - Diyar Bohtî.

**Gava tu mirî bi taybet dixwazî kî bê ser gora te, çima? (mirî an sax ferq nake; bi du risteyan)**

Bila Hivron were ser gora min û strana Jaro Jaro bibêje.

**Herî zêde çi te xemgîn dike?**

Giriyê Dayikan.

**Heke te navek li bircên Dîyarbekirê bikolaya ev dê navê kê bûya?**

Şêx Saîd. Jixwe wî navê xwe kolaye ne hewceyî navekî din e.

**Te dixwest li kîjan serdemê bijî?**

Serdema Ciwan Haco ku li Qamişlo li wê civatê " Hey canê hey canê" digot :)

**Heke cardî bihatayî dinyayê, te yê çi tişt cardî bikira?**

Min ê dîsa henek kiriban ji bo kenê dayîkên me.

**Beriya mirina xwe herî pir dixwazî çi pêk bînî?**

Em sînemaya kurdî li her derê dinyayê belav bikin.

**Tu herî zêde çi xeyal dikî?**

Rojekê bila Koma Berxwedan were Newroza Amedê. Hemû endamên wê li kêleka hev bin, Hozan Seyîdxan bi çakêtê xwe yê fireh yê wekî du ode û salonekê, strana "Gulazer" bêje. Piştî vê xeyalê dikarim bimirim.

**Li vê heyatê çi di dilê te da bûye kul û derd?**

Gelek tişt hene lê ez ê yekê bibêjim "Dilê me kurdan şa nebûye ev ji min re bûye kul û derd".

**Heke te bixwesta tiştekî xwe biguherî ew dê çi bûya?**

Serhişkbûna xwe.

**Serkeftina te ya herî mezin çi ye?**

Ez gelê kurd bi zimanê xwe dikenînim.

[Bi Ingilîzî bixwîne](https://en.botantimes.com/quickfire-dialogue-with-resul-bafeyi/?ref=botantimes.com)