> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# KURTEPIRS: Sayîme Xakpûr
- URL: https://www.botantimes.com/kurtepirs-sayime-xakpur/
- Published: 2024-07-01T08:00:52.000Z
- Updated: 2024-07-01T08:00:52.000Z
- Author: Engin Ölmez
- Tags: Hevpeyvîn, Nivîskar, SERNÛÇE, 2023, Amed, DIYARBEKIR, Kurd, Kurdî, Kurtepirs, #Migrated-1779046579484, #wp, #wp-post, #Import 2026-05-17 22:37

**Heke te nameyek ji xwedê ra binivîsîya dê te çi bigota?**

Gelek gilî û gazinên min ji Xwedê hene, bi taybet min ê gazindên rewşa me kurdan jê bikira ku tu çima dengê xwe nakî Xwedêyo…

**Kesayetê/a tu herî zêde jê hez dikî kî ye?**

Dayîka min.

**Heke te bo xwe cîhanek ava bikira te nedixwest çi lê biqewime?**

Teqez şer! Cîhaneke aram û hêmin daxwaza her însanekî aştîxwez û bi wijdan e.

**Kîtêba herî zêde tu jê hez dikî kîjan e?**

Bi giştî ji kitêban hez dikim û pirtûkxaneke baş im.

**Gava tu mirî bi taybet dixwazî kî bê ser gora te, çima? (mirî an sax ferq nake; bi du risteyan)**

Ku ez mirim naxwazim tu kes bê ser gora min, dema sax û di jîyanê de me bila bên serdana min bikin û li kêleka min bin.

**Herî zêde çi te xemgîn dike?**

Di demek pir zû de mirina bav. Hîn gelek zû bû divê me salên dûr û dirêj bi hev re derbas bikira lê felek bi me re neyar bû.

**Heke te navek li bircên Dîyarbekirê bikolaya ev dê navê kê bûya?**

Hezkirîyê min!

**Te dixwest li kîjan serdemê bijî?**

Serdema ku niha lê dijîm!

**Heke cardî bihatayî dinyayê, te yê çi tişt cardî bikira?**

Ez ê dîsa bibûma wergêr, ji vê beşa xwendinê bi taybet ji edebîyatê pir hez dikim.

**Berîya mirina xwe herî pir dixwazî çi pêk bînî?**

Gera cîhanê!

**Tu herî zêde çi xeyal dikî?**

Welat û jîyaneke azad li gel hemî hezkirîyên xwe!

**Li vê heyatê çi di dilê te da bûye kûl û derd?**

Hîna tiştek wisa ji bo min nebûye kul û derd, dibe ku hêj zû be û di pêşerojê de biqewime.

**Heke te bixwesta tiştekî xwe biguherî ew dê çi bûya?**

Min ê temenê xwe biguhirîba û vegerîyama zaroktîyê!

**Serkeftina te ya herî mezin çi ye?**

Hewl û têkoşîna ku ji çand û wêjeya kurdî re didim, dibe ku serkeftina min ya herî mezin be.

[Bi Ingilîzî bixwîne](https://en.botantimes.com/quickfire-dialogue-with-sayime-xakpur/?ref=botantimes.com)