> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Li Amedê polîsan bi ser navenda PCSyê da girt
- URL: https://www.botantimes.com/li-amede-polisan-bi-ser-navenda-pcsye-da-girt/
- Published: 2024-07-09T07:08:44.000Z
- Updated: 2024-07-09T07:08:44.000Z
- Author: Botan Times
- Tags: Nûçe, Amed, DIYARBEKIR, Kurd, Kurdî, #Migrated-1779046579484, #wp, #wp-post, #Import 2026-05-17 22:37

Li Amedê îro, spêdeyê polîsan bi ser navenda Platforma Ciwanên Serbixwe (PCS) û malên endamên wê da girt.

Di encama biserdegirtina malan de Berdevkê Platforma Ciwanên Serbixwe Ferîd Azad hat desteserkirin.

PCSyê li ser hesabê xwe yê Xê daxuyaniyek belav kir:

PCSyê di daxuyaniyê de got, “Îro serê sibehê saet 05:00an polîsan bi ser navenda Platforma Ciwanên Serbixwe û çend malên hevalên me de girtin.”

Herwiha PCSyê da zanîn ku berdevkê wan Ferîd Azad jî di operasyonê de hatiye desteserkirin.

Li aliyê din endamê platformê Evdirehîm Şêrwanî ji [Rûdaw](https://www.rudaw.net/kurmanci/kurdistan/090720241?ref=botantimes.com)ê re ragihand ku di çarçoveya lêpirsîneke ku navenda wê li Mêrsînê ye tîmên têkoşîna dijî terorê îro sibehê bi ser mala berdevkê platformê Ferîd Azad û navenda PCSyê de girtiye.

Evdirehîm Şêrwanî da zanîn ku Ferîd Azad li mala xwe hatiye desteserkirin û polîsan dest daniye ser kompûter û telefona wî.

Li gorî zanyariyên Evdirehîm Şêrwanî, berdevkê platformê Ferîd Azad li qereqola polîsan tê ragirtin.

Platforma Ciwanên Serbixwe (PCS), ji aliyê komeke ciwanên Kurd ve hatiye damezrandin û çalakiyên Kurdî dike.

Sala 2023yan li Amedê 10 endamên PCSyê [sonda Kurdî xwaribûn](https://www.rudaw.net/kurmanci/kurdistan/051120236?ref=botantimes.com) da ku li Bakurê Kurdistanê di jiyana rojane û saziyên fermî de ji bilî Kurdî bi ti zimanî neaxivin.