> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Li 'Emmanê ji bo têkilîyên hevbeş ên 'Ereb û Kurdan konferansek li dar ketiye
- URL: https://www.botantimes.com/li-emmane-ji-bo-tekiliyen-hevbes-en-ereb-u-kurdan-konferansek-li-dar-ketiye/
- Published: 2022-01-25T09:41:12.000Z
- Updated: 2022-01-25T09:41:12.000Z
- Author: Botan Times
- Tags: Nûçe, SERNÛÇE, Amman, arap, Ereb, Filistîn, HDP, Kurd, Umman, #Migrated-1779047441378, #wp, #wp-post, #Import 2026-05-17 22:50

HDPyê ragihandiye ku Berdevka HDPyê Gunay li Urdunê beşdarî Konferansa Diyaloga Ereb-Kurdan bûye.  
Berdevka Partiya Demokratîk a Gelan (HDP) Ebru Gunay duhî li paytexta Urdunê, li 'Emmanê beşdarî Konferansa Diyaloga Ereb-Kurdan bûye.  
Gunay li ser vexwendina Navenda Lêkolînên Sîyasî ya Qudsê û Komîteya Karsazîyê ya Ereb û Kurdan beşdarî Konferansa Dîyaloga Ereb-Kurdan bû ya bi navê "Ereb û Kurd: Diyalog Riya Pêşerojeke Hevbeş e" bû. Ku ev konferans ji bo xurtkirina têkilîyên di navbera Kurd û Ereban hate li dar xistin.

Hat ragihandin ku gelek siyasetmedarên Iraqî, Filistînî, Urdunî, Libnanî û Sûriyeyî beşdarî konferansê bûne.  
Konferans li ser 3 xalan rawestiyaye.  
**Hat destnîşankirin ku konferans li ser sê xalan sekinîn:**  
1- Avakirina paşerojê li ser dîroka hevbeş, xalên hevbeş û rêyên jinavbirina qalib û tirs û bêbaweriyê.  
2-Rola jinên Kurd û Ereb di parastina aştî û aramiyê de, afirandina jîngehek ji bo jiyana hevbeş û dabînkirina dadmendiyê ji bo hemûyan.  
3-Nexşeya berjewendiyên hevpar, çawaniya rûbirûbûna pirsgirêka Kurd, ji bo hemwelatîbûna wekhev û bi bandor, netewa demokratîk, mafê çarenûsî, serwerî û parastina yekparçeyiya axa welatan çi dikare were kirin.

Her wiha di konferansê de gotûbêj li ser girîngiya avakirina paşerojeke hevpar a ereb û kurdan û pêşniyarên di vî warî de bên kirin hate kirin.  
Di vê çarçoveyê de hate gotin ku daxwaza herî girîng a ku derketiye pêş ew e ku ji bo zêdetir pêşdebirina têkiliyên Ereb û Kurdan bi heman rengî konferans, panel û semîner bên lidarxistin.