> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Lîstika Şexê Sen'aniyan promîyera xwe kir
- URL: https://www.botantimes.com/listika-sexe-senaniyan-promiyera-xwe-kir/
- Published: 2023-11-01T14:11:11.000Z
- Updated: 2023-11-01T14:11:11.000Z
- Author: Botan Times
- Tags: Nûçe, 2023, Amed, Bianet, DIYARBEKIR, Kurd, Kurdî, #Migrated-1779046941970, #wp, #wp-post, #Import 2026-05-17 22:43

Di çarçoveya *Solo Festa* Mordem Sanatê da lîstika Şaneşîn Performance Şexê Sen'aniyan ji alîyê M.Xelat Ertoşî ve hate lîstin.

Promiyera lîstika şanoyê ya Şaneşîn Performance ya bi navê *Şexê Sen'aniyan* pêk hat. Çîroka *Şexê Sen'aniyan* ji berhema helbestvanê edebîyata kurdî ya klasîk Feqîyê Teyran hatîye wergirtin.

Li gorî Vîdeonûçeya [bianet](https://bianet.org/haber/cirokbej-li-ser-dike-sexe-senaniyan-a-feqiye-teyrani-dibeje-287270?ref=botantimes.com)ê, lîstikvan Xalit Ertoşî di çarçoveya zanîna xwe da destnîşan kirîye ku ev forma ku wî lîstîye bo cara ewil e di kurdî da tê lîstin.

Xalit wê performansê wekî lîstik bi nav nake ku ew dibêje ev çîrokbêjî ye ne lîstik e. Wî daye zanîn ku wan xwestîye bi perspektîf û şiroveyeka nû li berhemên edebîyata kurdî ya klasîk binêrin.

Derhênerîya lîstikê Recep Îçen, şêwirmendî jî Şêrko Janzêm kirîye. Erdal Açıl jî bi karûbarên teknîkî ve mijûl bûye.