> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Mesrûr Barzanî li Enqereyê ye: Em ê têkilîyên xwe bihêztir bikin
- URL: https://www.botantimes.com/mesrur-barzani-li-enqereye-ye-em-e-tekiliyen-xwe-bi-heztir-bikin/
- Published: 2023-06-20T18:55:01.000Z
- Updated: 2023-06-20T18:55:01.000Z
- Author: Botan Times
- Tags: Nûçe, #Migrated-1779046941970, #wp, #wp-post, #Import 2026-05-17 22:43

Serokwezîrê Herêma Kurdistanê Mesrûr Barzanî ji bo hin hevdîtinan hate Enqereyê û bi serokkomar Recep Tayîp Erdogan ra civîya.

Hikûmeta Herêma Kurdistanê li ser naveroka civînê da daxuyanîyek belav kir û dîyar kir ku Barzanî bi wesîleya serkeftina di hilbijartinan da Erdogan pîroz kirîye û hêvîya serkeftinê ji hikûmeta nû ya Tirkîyeyê ra xwestîye.

Wezîrê Karên Derve yê Tirkîyeyê Hakan Fîdan jî di civînê da amade bû û alîyan rewşa giştî ya Iraqê û pêşvebirina peywendîyên Kurdistan û Tirkîyeyê gotûbêj kirine.

Hat dîyarkirin ku her du alîyan li ser giringîya xurtkirina peywendîyan û berfirehkirina derfetên hevkarîyê yên aborî û bazirganîyê li hev kirine.