> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Pall Weşan dê cara duyemîn çalakîyê meşê li dar bixe
- URL: https://www.botantimes.com/pall-wesan-de-cara-duyemin-calakiya-mese-li-dar-bixe/
- Published: 2023-05-02T11:06:41.000Z
- Updated: 2023-05-02T11:06:41.000Z
- Author: Botan Times
- Tags: Nûçe, #Migrated-1779046941970, #wp, #wp-post, #Import 2026-05-17 22:43

Pall Weşan dê bi çalakîyê xwe yê bi navê 'Pall Meşan' cara duyemîn li dar bixe. Vê carê dê meş li Sûrên Diyarbekirê pêk were.

Di çalakîyê da dê Helbestvan û Nivîskarê Kurd Receb Dildar mêvan be.

Pall weşan li ser hesabê xwe yên medyaya civakî peyameka wiha nivîsîye:

> Di vê çalakiyê de em dê digel Receb Dildar li mekanên wî bigerin û bibînin ka van mekanan bi çi awayî cih girtiye di çîrok û romanên wî de, û bi çi awayî tesîrê li edebiyat û wî kiriye.

Kontenjan bi 12 beşdaran sînordar e û heta 6ê Gulanê saet 15.00ê hûn dikarin qeyda xwe ya beşdarîyê çêkin.

Ji bo qeyda beşdarîyêlinkê bitikîne: [https://docs.google.com/forms/d/e/1FAIpQLSe-pzQZKyJD8MjbeOsdJCurqtdsEptUzVYksZzzofWj5qOoFw/viewform](https://docs.google.com/forms/d/e/1FAIpQLSe-pzQZKyJD8MjbeOsdJCurqtdsEptUzVYksZzzofWj5qOoFw/viewform?ref=botantimes.com)

**Recep Dildar kî ye ?**

> Receb Dildar di sala 1958'a de li gundê [Bedulyê](https://ku.wikipedia.org/w/index.php?title=Beduly%C3%AA&action=edit&redlink=1&ref=botantimes.com) hatiye dinê, lê malbata wî li wir zêde nesekiniye, ji wir bar kiriye û çûye Amedê li gundê [Elîparê](https://ku.wikipedia.org/wiki/El%C3%AEpar?ref=botantimes.com) bi cî bûye. Receb Dildar bi xwe li Elîparê mezin bû. Wî xwendegeha pêşîn li Elîparê, ya navîn li Amedê qedand. Paşê ji bo xwendegeha mamostatiyê ew çû bajarê [Kırşehirê](https://ku.wikipedia.org/wiki/K%C4%B1r%C5%9Fehir?ref=botantimes.com) û çar sal li wê derê ma. Di sala [1976](https://ku.wikipedia.org/wiki/1976?ref=botantimes.com)'a de li Amedê dest bi karê mamostatiyê kir.  
>  
> Cara pêşîn di sala [1982](https://ku.wikipedia.org/wiki/1982?ref=botantimes.com)an de di kovara [Dengê Kurdistan](https://ku.wikipedia.org/w/index.php?title=Deng%C3%AA%5FKurdistan&action=edit&redlink=1&ref=botantimes.com) de helbestên wî weşiyan. Paşê di rojnameya *[Fıratta Yaşam](https://ku.wikipedia.org/wiki/F%C4%B1ratta%5FYa%C5%9Fam?ref=botantimes.com)* de, di navbera salên [2002](https://ku.wikipedia.org/wiki/2002?ref=botantimes.com) û 2003an de, di quncika Dilopên Jiyanê de gelek gotarên wî weşiyan û ji sala [2000](https://ku.wikipedia.org/wiki/2000?ref=botantimes.com)an û virde di gelek malper û kovarên kurdî de nivîsên wî weşiyane. Pirtûka wî a pêşîn a helbestan e. Pirtûk di sala [2003](https://ku.wikipedia.org/wiki/2003?ref=botantimes.com)an de bi navê *Kewê Canê* ji weşanxaneya [Gun-Hîvron](https://ku.wikipedia.org/w/index.php?title=Gun-H%C3%AEvron&action=edit&redlink=1&ref=botantimes.com) derket. Receb Dildar wekîdin romaneke *Seyit Alp* wergerand kurdî û pirtûk di sala [2005](https://ku.wikipedia.org/wiki/2005?ref=botantimes.com)ê de bi navê *Dewran* di nav [weşanên Dozê](https://ku.wikipedia.org/wiki/We%C5%9Fan%C3%AAn%5FDoz?ref=botantimes.com) de hat çapkirin. Di pêşbaziya çîrokên zarokan a [Şaredariya Sûrê](https://ku.wikipedia.org/w/index.php?title=%C5%9Earedariya%5FS%C3%BBr&action=edit&redlink=1&ref=botantimes.com) de çîroka wî a bi navê *Şîno* xelata yekemînî girt. Dîsa di pêşbaziya çîrokan a kovara *[Nûbiharê](https://ku.wikipedia.org/wiki/N%C3%BBbihar%5F%28kovar%29?ref=botantimes.com)* de çîroka wî a bi navê *[Veger](https://ku.wikipedia.org/wiki/Veger?ref=botantimes.com)* bû yekemîn. Di [2008](https://ku.wikipedia.org/wiki/2008?ref=botantimes.com)an de Weşanxaneya Avestayê çîrokên Receb Dildar bi navê *Şikefta Xwekuştinê* kir pirtûk û gîhand ber destê xwendevanan.  
>  
> Wîkîpedî Kurdî