> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Pirtûka Herodotos cara yekem bi Kurmancî hatiye weşandin
- URL: https://www.botantimes.com/pirtuka-herodotos-cara-yekem-bi-kurdi-hatiye-wesandin/
- Published: 2024-12-05T14:06:54.000Z
- Updated: 2024-12-05T14:06:54.000Z
- Author: Botan Times
- Tags: Edebiyat, Nûçe, #Migrated-1779046579484, #wp, #wp-post, #Import 2026-05-17 22:37

Pirtûka dîrokî ya Herodotos, ku berî 2500 salan hatiye nivîsandin, cara yekem bi Kurdî-Kurmancî hatiye çapkirin. Ev berhema ku ji aliyê Herodotosê Karyayî ve hatiye nivîsandin û ji aliyê Ziya Avcî ve ji soranî hatiye wergerandin, yek ji çavkanîyên herî girîng ên li ser dîroka Medan e.

Pirtûk ji neh beşan pêk tê û di sedsala duyemîn a berî zayînê de, zanayên Îskenderîyeyê ew dabeş kirine. Her beş bi navê perîyeka îlhamê hatiye binavkirin. Weşanxaneya Azad ev berhem weşandiye û Aslixan Yildirimê karê danberheva Kurmancî, Ingilîzî û Tirkî kiriye.

## Çavkanîyeka girîng ji bo dîroka Kurdan

Di pirtûkê de, beşên taybet ên li ser Medan, ku wek bav û kalên Kurdan têne zanîn, cih digirin. Ev berhem piştî nivîsên mîxî û yên ser keviran, çavkanîya herî kevn a nivîskî ya dîroka bapîrên Kurdan e.

## Lêkolîneka berfireh a erdnîgarî û çandî

Herodotos di lêkolînên xwe de ji Anatolyayê heta bi Rojhilata Nêzîk, ji Misirê heta bi Hîndistanê gelek herêm gerîyaye. Wî di pirtûkê de kevneşopî, bazirganî, siyaset, erdnîgarî û çanda herêmê tomar kiriye.

Çavkanî:  
Botan Times  
Weşanxaneya Azad