> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Piştî sê salan dê LaWjê li Stenbolê konserekê bide
- URL: https://www.botantimes.com/pisti-se-salan-de-lawje-li-stenbole-konsereke-bide/
- Published: 2022-02-17T09:50:41.000Z
- Updated: 2022-02-17T09:50:41.000Z
- Author: Botan Times
- Tags: Nûçe, SERNÛÇE, AvestaYayınları, Chalakevents, lawje, NinovaCafe, #Migrated-1779047441378, #wp, #wp-post, #Import 2026-05-17 22:50

Piştî pandemîyê angu piştî 3 salan LaWje dê cara yekemîn bi orkestrayekê mezin derkeve ser dikê. Konser dê 18ê Sibatê roja înê saet 20:00ê li Navenda Çanda Suleyman Seba ya Beşiktaşê li dar bikeve.

LaWjeyê di 2003an de li Colemêrgê dest bi xebatên berhevkirinê kir, ji denbêjan û çîrokbêjan stran û kilamên folklorîk berhev û tomar kirin, ew stranên berhevkirî bi şîroveya xwe ji nû ve strandin û ji bo guhdaran pêşkêş kirin.

Koma LaWje ya ku zêdetir muzîka Colemêrgê ji xwe re wekî bingeh qebûl dike ji bajarên derdorê yên wekî herêma Botanê (Şirnex û Cizîr) jî stran û kilaman şîrove dikin. Ji demên qedîm û berê pê ve stranên bi forma kilam, payîzok, heyranok, şeşbendî û narînk yên herêma Colemêrgê û Botanê bi muzîkala xwe ji nû ve sitrandine, herwiha form û miqamên van stranan parastine. LaWje behra muzîka Colemêrgê û Botanê pêşkêşî guhdaran dike.

Ligel van formên her du herêman LaWje stranên qedîm û yên kûlt jî bi muzîkal û şîroveyê xwe ji nû ve distrîne.

Chalak Events ya ku konserê lidardixe dibêjin eleqeyek zêde ji bo vê konserê heye û ew li bendê ne ku salon tije bibe.