> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Qedexeya li ser alîgirên Amedsporê hatiye rakirin
- URL: https://www.botantimes.com/qedexeya-li-ser-aligiren-amedspor-hatiye-rakirin/
- Published: 2024-10-25T19:54:28.000Z
- Updated: 2024-10-25T19:54:28.000Z
- Author: Botan Times
- Tags: Nûçe, Spor, #Migrated-1779046579484, #wp, #wp-post, #Import 2026-05-17 22:37

Serokê Amedsporê, Azîz Elaldîyî ragihandiye ku qedexeya li ser alîgirên Amedsporê hatiye rakirin.

Li gor agahiyan, Amedspor wê di hefteya 10an a Lîga 1 a Trendyolê ya Federasyona Futbolê ya Tirkiyeyê (TFF) de li hemberî Pendîksporê bilîze.

Ji ber ku zemîna Stadyuma Amedê xirab e, biryar hatiye dayîn ku pêşbirk li Îdirê pêk were. Ji bo lîstika ku wê roja yekşemê di saet 16:00an de pêk were, "Desteya Ewlekarîyê" ya Îdirê bi hinceta "ewlekarîyê" qedexe danîbû.

Serokê Amedsporê Azîz Elaldîyî bi rêya medyaya civakî ragihand ku di hevdîtina bi Cantûrk Alagoz û Walîyê Îdirê re encam hatiye standin û qedexe hatiye rakirin. Elaldî got: "Em hemû alîgirên xwe vedixwînin ku piştgirîyê bidin."

*Çavkanî: MA, Botan Times*, X