> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Rêveberîya Xweser a Rojavayê Kurdistanê kantonên xwe pesend kirin
- URL: https://www.botantimes.com/reveberiya-xweser-a-rojavaye-kurdistane-kantonen-xwe-pesend-kirin/
- Published: 2024-05-02T07:57:38.000Z
- Updated: 2024-05-02T07:57:38.000Z
- Author: Botan Times
- Tags: Nûçe, 2023, Amed, CHP, deprem, DIYARBEKIR, erdhêj, HDP, Kurd, Kurdî, Rêveberiya Xweser, Rêveberîya Xweser a Rojavayê Kurdistanê, Rojnameger, #Migrated-1779046579484, #wp, #wp-post, #Import 2026-05-17 22:37

Rêveberiya Xweser a Rojavayê Kurdistanê rêveberîya herêmên xwe bi yasayekê dîyar kirin û pesend kirin.

Li gorî yasaya wan Rêveberiya Xweser ji 7 kantonan pêk tê.

Kantonên Rêveberiya Xweser ev in: Cizîr, Reqa, Ferat, Minbic, Efrîn û Şehba û Tebqa

Li gorî nûçeya [Rûdaw](https://www.rudaw.net/kurmanci/kurdistan/0105202413?ref=botantimes.com)ê Hevserokatîya Encûmena Demokratîk a Gelan a Rêveberîya Xweser doh yasaya hejmara 6an, a sala 2024an a dabeşkirina rêveberiyê pesend kiribû

Hevserokê Komîsyona Bilind a Hilbijartinan a Rêveberiya Xweser Hisên El-Şêx li ser yasaya dabeşkirina rêveberiyê got:

“Yasaya dabeşkirinên rêveberiyan li Bakur û Rojhilatê Sûriyeyê hat pesendkirin.

Ev yasa ji 3 beşan û 5 madeyan pêk tê.”

Kobanî navenda kantona Feratê ye.

Kantona Cizîrê ji 2 bajarên mezin ên wekî Hesekê û Qamişloyê û çend bajar û bajarokan pêk tê.

Kantona Feratê ji bajarê Kobaniyê pêk tê.

Kantona Efrîn û Şehbayê ji bajarê Efrînê pêk tê.

Hisên El-Şêx herwiha behsa yasayê jî kir û got:

“Ev yasa yek ji yasayên herî girîng e. Ji bo Komîsyona Bilind a Hilbijartinan jî girîng e.

Ji ber Komîsyona Bilind a Hilbijartinan a Bakur û Rojhilatê Sûriyeyê di dabeşkirina komîsyon, sindoq û komîteyên komîsyonê de xwe dispêre vê yasayê.”

Yasaya dabeşkirina rêveberiyan ji 30ê Nîsana 2024an ve ketiye meriyetê.