> ## Content Index > Fetch the complete content index at: https://www.botantimes.com/llms.txt > Use this file to discover other available public pages before exploring further. # Rojeva Zindî: 08.08.2024 - URL: https://www.botantimes.com/rojeva-zindi-08-08-2024/ - Published: 2024-08-28T18:59:27.000Z - Updated: 2024-08-28T18:59:27.000Z - Author: Botan Times - Tags: Zindî, #Migrated-1779046579484, #wp, #wp-post, #Import 2026-05-17 22:37 Edîtorên Botan Timesê, kurt zelal û Kurmancî nûçeyên di rojeva kurdan û cîhanê de li vê derê berhev dike. ## Hêzên ewlehîya Iraqê droneka Tirkîyeyê îmha kir ![](https://botantimes.com/wp-content/uploads/2024/08/Ekran-Resmi-2024-08-29-13.26.27-2.png) Hêzên ewlehîya Tirkîyeyê îro danê spêdeyê li Kerkûkê droneka Tirkîyeyê îmha kirîye û ew xistîye xwarê. Vîdeo û dîmenên ketina dronê di demekî nêzîk da li ser medyaya civakî belav bûne. Li gorî nûçeya Rûdawê sîstema parastina asmanî ya Iraqê ragihandîye ku wan drona Tirkîyeyê xistîye xwarê. Berîya daxunayanîya Iraqê ya li ser ketina dronê, berdevkê Polîsê Kerkûkê ragihandibû ku ev dron ji alîyê sîstema parastina asmanî ya Iraqê ve [hatîye xistin](https://www.rudaw.net/kurmanci/kurdistan/290820246?ref=botantimes.com) lê ew nizanin bê ya kê ye. --- ## Di şerê Hamas û Îsraîlê da çend rojnameger mirî, winda û birindar in? Şerê di navbera Hamas û Îsraîlê da ji 7ê Cotmeha 2023yan ve berdewam e. Li gor [**daneyan**](https://en.wikipedia.org/wiki/Casualties%5Fof%5Fthe%5FIsrael%E2%80%93Hamas%5Fwar?ref=botantimes.com#:~:text=As%20of%209%20August%202024,including%20179%20employees%20of%20UNRWA.) zêdetirî 41,000 kes mirine ku ji van kesan 39,677 filîstînî û 1,478 îsraîlî ne. Li gor rapora dawî ya [**CPJ**](https://cpj.org/2024/08/journalist-casualties-in-the-israel-gaza-conflict/?ref=botantimes.com#:~:text=As%20of%20August%2027%2C%202024,began%20gathering%20data%20in%201992.)ê mirina 116 rojnameger û xebatkarên medyayê hatîye teyîdkirin ku 111ê wan filîstînî, 2 îsraîlî û 3ê lûbnanî ne. Herwiha hatîye eşkerekirin ku 33 rojnameger birindar, 2 winda û 53 hatine girtin. Li gor [**endexa**](https://rsf.org/en/index?ref=botantimes.com) RSFyê piştî şerî Filîstîn ji bo rojnamegeran bûye yek ji welatên herî xeternak û herwiha li Îsraîlê jî zextên ser rojnamegeran zêde bûne. ## Hikûmeta Demkî ya Bangladaşê qedexeya li ser Partîya Îslamî rakiriye Hikûmeta demkî ya Bangladaşê îro (Çarşem) qedexeya li ser partîya Îslamî ya serekî û komên girêdayî wê rakiriye. Li gor [nûçeya VOA Kurdîyê](https://www.dengeamerika.com/a/bangladesh-new/7762014.html?ref=botantimes.com) ji Reutersê wergerandî hikumetê gotiye û ku ti delîla ku nîşan dide tilîya wan di kiryarên terorî de heye, nehatiye dîtin. Hikûmeta Serokwezîra berê ya Bangladaşê Şêx Hasîna, Partîya Cemaata Îslamî bi qanûna têkoşîna dijî terorê qedexe kiribû. Wê hikûmetê Partîya Cemaata Îslamî ser gurkirina protestoyên xwendekaran tawanbar kiribû ku di encama wan protestoyan de Şêx Hasîna berê karvekişîna xwe ragihandibû û paşê jî revîbû Hindistanê. --- ## NATO û Ukrayna dê îro li ser daxwaza Kîevê kom bibin ![war destruction in ukrainian city](https://botantimes.com/wp-content/uploads/2024/08/pexels-photo-11477798.jpeg) Photo by Алесь Усцінаў on [Pexels.com](https://www.pexels.com/photo/war-destruction-in-ukrainian-city-11477798/?ref=botantimes.com) Berdevkê NATO Farah Dakhlallah roja Sêşemê gotiye ku Sekreterê Giştî Jens Stoltenberg wê ser daxwaza Kîevê îro, Çarşemê Konseya NATO û Ukrayna kom bike. Li gor [nûçeya VOA Kurdî](https://www.dengeamerika.com/a/nato-ukr/7759123.html?ref=botantimes.com)yê Dakhlallah dîyar kiriye ku civîn wê di asta balyozan de çêbin û li ber e ku Wezîrê Berevanî yê Ukrayna Rustem Umerov bi rêka vîdyokonferansê ser rewşa li qada şêr û pêdivîyên serekî yên kanînê agahîyan bide.’’ Konseya NATO û Ukrayna sala borî jibo kordînasyona nêz ya hevpeymanî û Kîevê hat ava kirin. ## Kesê bi hişê çêkirî 400 fîlmên pornoyê çêkirî hatiye girtin Li Koreya Başûrê kesekê 28 salî bi bernameyên çêkirî 400 vîdeoyên “Deepfake” çêkiriye. Ji ber vê yekê polîsan ew desteser kiriye. Li gort *[nûçeya Gazete Duvarê ](https://www.gazeteduvar.com.tr/yapay-zekayla-cinsel-icerikli-goruntu-olusturan-zanliya-5-yil-hapis-cezasi-haber-1716382?ref=botantimes.com)*bersûcî herweha 1700 nivîs jî li înternetê belav kiriye. Dadgeran xwestine 5 sal cezayê hefsê li bersûcî bê birîn. Li gor dadgehê wî kesî ji komên sohbetê yên xwendekaran wêneyên kesan standiye û bi bernameyên hişê çêkirî ew kirine vîdeoyên pornografîk. Deepfake-vîdeo ew vîdeoyên sexte ne ku mirovan manîpûle dike, tişteka nebûyî wek çêbûbe nîşan dide. ---