> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Rojnamegerên Sînornenas bûrsên ewlehîya dîjîtal dide rojnamevanan
- URL: https://www.botantimes.com/rojnamegeren-sinornenas-bursen-ewlehiya-dijital-dide-rojnamevanan/
- Published: 2024-11-19T14:00:58.000Z
- Updated: 2024-11-19T14:00:58.000Z
- Author: RSF Rojnamegerên Sînornenas
- Tags: Nûçe, #Migrated-1779046579484, #wp, #wp-post, #Import 2026-05-17 22:37

Rêxistina Rojnamegerên Sînornenas (RSF) ya Almanyayê ji bo sala 2025ê bernameya bûrsê ya Berlînê ragihand. Bername ji bo ewlehîya dîjîtal a rojnamevanan e û dê şeş rojnamevan ji herêmên krîzê werin vexwendin.

## Bername şeş mehan didome

Bername dê di Gulana 2025ê de dest pê bike û heta dawîya Çirîya pêşiyê bidome. RSF dê mesrefên rêwîtîyê, vîzeyê, xanî, tenduristîyê û veguhestinê bide ser milê xwe. Her wiha dê mehê 1000 Euro jî wek bûrsekê bê dayin.

## Mijarên perwerdeyê

Di bernameyê de dê mijarên wek ewlehîya hesabên online, parastina daneyan, ewlehîya amûrên dîjîtal û têkoşîna li dijî tundîya dîjîtal bên hînkirin. Armanc ew e ku beşdar piştî vegerê zanîna xwe belav bikin.

## Mercên serîlêdanê

Rojnamevan, blog nivîskar û çalakvanên medyayê yên ku:

- Di warê dîjîtal de di bin xetereyê de ne
- Bi îngilîzî baş dizanin
- Dikarin 20-25 saetan di hefteyê de beşdarî perwerdeyê bibin dikarin heta 25ê Çirîya paşiyê ya 2024ê serî li bernameyê bidin.

[Forma serlêdanê](https://forms.projectresources.org/index.php/772292?lang=en&ref=botantimes.com)

Çavkanî: Rojnamegerên Sînornenas, Botan Times