> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Rojnivîska şerî - 18.12.2024 / El Cezîre
- URL: https://www.botantimes.com/rojniviska-seri-18-12-2024-el-cezire/
- Published: 2024-12-18T12:42:34.000Z
- Updated: 2024-12-18T12:42:34.000Z
- Author: Botan Times
- Tags: Cîhan, Nûçe, #Migrated-1779046579484, #wp, #wp-post, #Import 2026-05-17 22:37

Piştî hilweşîna rejîma Esad, sazî û welatên navneteweyî li ser paşeroja Sûrîyeyê helwestên xwe dîyar dikin. Di serî de Neteweyên Yekbûyî û Yekîtîya Ewropayê dest bi danûstandinan kirine.

## NY dixwaze çi bike?

Nûnerê taybet ê Neteweyên Yekbûyî yê ji bo Sûrîyeyê, Geir Pedersen, li Şamê bi rêveberîya nû re civîya. Pedersen di civînê de daxwaza hilbijartinên azad û adil kiriye û xwestiye ku rê li ber alîkarîyên mirovî bê vekirin.

## Krîza aborî çiqas xeter e?

Serokwezîrê nû yê Sûrîyeyê Mihemed El-Beşîr di hevpeyvîneka bi El-Cezîreyê re rewşa aborî ya welêt daxuyandiye. Li gorî El-Beşîr, rezervên pereyên biyanî gelekî kêm bûne û ji bo avakirina welêt piştgirîya navneteweyî pêwîst e. Wî daxwaz kiriye ku dorpêçên aborî bên rakirin.

## YE li ser çi dixebite!

Serokê Yekîtîya Ewropayê, Ursula von der Leyen, daxuyandiye ku ew ê têkilîyên xwe yên rasterast bi rêveberîya nû re xurt bikin. Von der Leyen gotiye ku ew ê li ser projeyên nû yên alîkarîyê bixebitin û rewşa mafên mirovan û demokrasîyê bişopînin.

## Îsraîl çi planan dike?

Serokwezîrê Îsraîlê Netanyahu û rayedarên leşkerî li ser Çîyayê Hermonê civîyan. Di civînê de rewşa ewlehîyê ya li sînor û helwesta li hember rêveberîya nû ya Sûrîyeyê hatine nirxandin. Rayedaran planên ewlehîyê yên nû jî gotûbêj kirine.

## Rêxistina Koçberîyê çi dibêje?

Serokê Rêxistina Koçberîyê ya NY daxuyandiye ku rêveberîya nû ya Sûrîyeyê qebûl kiriye ku karê li pêşîya wan gelekî mezin e û bêyî piştgirîya navneteweyî nikarin van karan bi serê xwe bikin.

Çavkanî: Reuters El-Cezîre Botan Times