> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Serlêdana Festîvala Filmên Kurdî a Berlînê dest pê kir
- URL: https://www.botantimes.com/serledana-festivala-filmen-kurdi-a-berline-dest-pe-kir/
- Published: 2023-07-18T07:42:30.000Z
- Updated: 2023-07-18T07:42:30.000Z
- Author: Botan Times
- Tags: Nûçe, #Migrated-1779046941970, #wp, #wp-post, #Import 2026-05-17 22:43

Serlêdan û qebûlkirina fîlmên ji bo 13emîn Festîvala Filmên Kurdî a Berlînê dest pê kir.

Festîvala Filmên Kurdî a Berlînê îsal fîlmên bi çîrokên ji perspektîfa kurdan û li ser mijarên kurdan bi rê ve biçe.

Serlêdanên kurtefîlman heta 15ê Tebaxê bê qebûlkirin û divê fîlm 25 deqîqe be. Di dawiya festîvalê da, jurîyeke serbixwe dê sê xelatgeran diyar bike, ku dê her yek xelat wergirin. Mesrefa pêşkêşkirinê 5 euro ye.

Festival dê navbera 6-12 Cotmehê 2023an li Berlînê pêk bê û şêwekarîya posterê ya îsal ji aliyê Yana Vekshyna ve hatiye çêkirin.

![](https://botantimes.com/wp-content/uploads/2023/07/KFF12_poster_final.webp)

Yana Vekshyna dîzaynera grafîk û îllustrator a Ukraynî ye ku li Berlînê dijî û dixebite. Di sala 2017an da koçî Almanya kir û li Zanîngeha Berlînê ya Navdewletî ya Zanistên Pêwendîdar xwend. Warên wê yên sereke yên eleqeyê dizayna çapkirinê ya navneteweyî û tîpografiya pir-nivîskî ne. Di posterê de desteke jinê tê nîşandan, ku bi serbestî șalek Kurdî ber bi ezman difirîne. Şalê ku li ber ezmana sibehê diherike, hesteke hêviya azadiyê û derfetên bêdawî dide.

**Festîvala Filmên Kurdî a Berlînê kengê hat demezrandin ?**

Festîvala Filmên Kurdî a Berlînê di sala 2002ê da hat demezrandin û di sala 2020ê da 10emîn salvegera xwe pîroz kir. Di berdewamîya salan da çalakiyên çandî di nava Festîvala Berlînê da bi cih bûn û êdî festîval ne tenê civakên kurd her wiha di nava sînemahez û gelên Berlînê da jî tê zanîn.

Bernameya festîvalê ji kurtefilm, belgefilm û filmên metrajdirêj pêk tê û hem karên derhênerên çar parçeyên Kurdistanê -Başûr, Rojhilat, Bakur, Rojava- û dîasporayê hem jî karên derhênerên Ewropî yên ku behsa babeta rastîyên kurdan dikin, di nava xwe da dihewîne. Çalakiyên mîna nîqaşên bi rêya panêlan, konsert û xwendinên cûr bi cûr, bernameya filman ya bi baldarî hatî hilbijartin, xurttir dikin. Ji sala 2018ê û vir ve, bi hevkarîya Komeleya Yekîtiya Malbatên Kurd, YEKMALê, gelek filmên zarokan bûn perçeyeke bingehîn ya bernameya festîvalê. Dîsa, ji sala 2020ê û vir ve bername cih dide nêrînên hunermendên ciwan yên kurd yên videoyên hunerî çêdikin, û ew bûne perçeyeke bingehîn ya festîvalê.

[Ji bo serlêdanê fîlman lînkê bitîkînin.](https://filmfreeway.com/13thKurdishFilmFestivalBerlin2023?ref=botantimes.com)