> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Şirketa petrolê Shell cih neda Kurdî: 'Boykot bikin!'
- URL: https://www.botantimes.com/sirketa-petrole-shell-cih-neda-kurdi-boykot-bikin/
- Published: 2023-07-12T07:41:34.000Z
- Updated: 2023-07-12T07:41:34.000Z
- Author: Botan Times
- Tags: Nûçe, Shell, #BoycottShellForKurdish, #Migrated-1779046941970, #wp, #wp-post, #Import 2026-05-17 22:43

Şirketa petrolê ya Brîtanyayê Shell, li benzînxaneyên xwe bi dehan zimanan bo kiryar û mişteriyên xwe 'xêrhatin' nivîsîne. Tevî çendîn zimanan, cih nedaye zimanê kurdî.

Li ser torên medyaya civakî gelek kesan bertek nîşanî vê helwesta wan da. Kurdan li ser medyaya civakî ji bo boykotkirina Shellê kampanyayek dan destpêkirin.

Kampanyaya ku bi hashtaga *#BoycottShellForKurdish*ê (Kurd Shellê Boykot Dikin) hat destpêkirin, di demeka kurt da piştgirîya gelek kesên navdar jî girt.

Hunermend Nîzamettîn Ariç jî yek ji piştigrên vê kampanyayê bû. Ariç bi sê zimanan banga boykotkirina benzînxaneyên Shellê kir.

> [](https://twitter.com/aricnizamettin/status/1678707037214068737?ref=botantimes.com)

Serokê berê yê Odeya Mîmaran a Amedê Şerefxan Aydin dema çûbû benzînxaneyê nivîsa li ser derî bala wî kişandibû û li ser hesabê xwe yê medyaya civakî ev wêne parve kiribû.

Aydin di parvekirina xwe da gotibû; “Em bi milyonan li mala xwe 'bixêr hatin'ekê nabînin!. Kurdî tune be Shell jî tune ye êdî. Bang kiribû ku Shell bê boykotkirin.

> [](https://twitter.com/serefxanaydin/status/1678005471746072582?ref=botantimes.com)