> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Talîban li Afganistanê amûrên mûzîkê dişewitîne
- URL: https://www.botantimes.com/taliban-li-afganistane-amuren-muzike-disewitine/
- Published: 2023-07-31T13:41:05.000Z
- Updated: 2023-07-31T13:41:05.000Z
- Author: Botan Times
- Tags: Nûçe, afganistan, efgan, muz, Taliban, talîban, #Migrated-1779046941970, #wp, #wp-post, #Import 2026-05-17 22:43

Li bajarê Heratê ya Afganistanê ji aliyê polîsên exlaqî yên Talîbanê ve amûrên mûzîkê hatine şewitandin.

Li gor nûçeya DWyê, alîkarê serokê Desteya Pêşîlêgirtina Bêexlaqîyê û Berbelavkirina Fezîletê Şêx Ezîz El-Rahman El-Muhacirî diyar kir ku "li welêt guhdarkirina mûzîkê qedexe ye. Ji ber wê rayedaran amûrên mûzîkê kom kirine û şewitandine."

Li gor berpirsê desteyê, mûzîk ciwanan dejenere dike û dibe sedema xapandina ciwanan û têkbirina civakê.

Talîbanê ku piştî sala 2021an li Afganistanê desthilatdarî bi dest xist li welêt her cure îcrakirina mûzîkê qedexe kir.

Piştî biryarê gelek hunermend û mûzîkjenên afgan welatê xwe terikandin û çûn welatên rojava.