> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Trump dibêje "sifir" Îran ji "yekê" nayê xwarê - NYT
- URL: https://www.botantimes.com/trump-dibeje-sifir-iran-ji-yeke-naye-xware-nyt/
- Published: 2026-02-07T12:41:19.000Z
- Updated: 2026-05-17T19:18:27.000Z
- Author: Botan Times
- Tags: Cîhan, Nûçe, SERNÛÇE, #Migrated-1779045399267, #wp, #wp-post, #Import 2026-05-17 22:16

Rêveberîya Trump ji bo rêgirtina li **şerekê** **muhtemel** bi Îranê re dest bi muzakereyan kiriye, lê nakokîyên li ser asta dewlemendkirina uranyumê wek astengeka mezin li pêşîya dîplomasîyê sekinîye. Serok Trump dîyar kiriye ku ew ê di çarçoveya peymaneka nû de destûrê nede Îranê ku qet uranyumê dewlemend bike. Ev helwesta ku wek "**qet dewlemend nekirin**" tê naskirin, ji alîyê Tehranê ve bi tundî hatîye redkirin.

### Trump li ser xeta sor a sifirê bi biryar e

Nûnerê taybet ê Trump, Steve Witkoff, berîya civîna xwe ya bi rayedarên îranî re ya li Omanê ragihand ku xeta wan a sor a herî zelal dewlemendkirina uranyumê ye. Witkoff dîyar kiriye ku ew nikarin destûrê bidin ku Îran ji sedî 1ê uranyumê jî dewlemend bike. Witkoff roja înê li Omanê bi rayedarên îranî re rûnişt û Jared Kushner, zavayê Trump jî tev li vê hevdîtinê bû. Her çend Wezareta Karên Navxweyî û Qesra Spî **niho** agahîyên berfireh parve nekirine jî, Wezîrê Karên Derve yê Îranê Abbas Araghchi gotiye ku civînê bi "destpêkeka baş" dest pê kiriye.

### Îran mafê xwe yê etomî nîqaş nake

Rayedarên îranî dibêjin ku li gorî Peymana Belavnekirina Çekên Etomî, dewlemendkirina uranyumê "mafê wan ê jêneveger" e. Wezîrê Karên Derve Araghchi di hevpeyvîna xwe ya **dawîyê** de destnîşan kiriye ku ev mijar ji bo wan nayê nîqaşkirin. Pisporên kontrolkirina çekan hişyarîyê didin ku heke Trump li ser daxwaza "**qet dewlemend nekirinê**" bi mînek bisekine, dê muzakere bi ser nekevin. Kelsey Davenport ji Komeleya Kontrolkirina Çekan dîyar kiriye ku Îran tu carî dev ji tiştê ku wek mafê neteweyî dibîne bernade.

### Di bin sîya gefên leşkerî de muzakere têne kirin

Ev hevdîtin di demeka welê de pêk tên ku Trump hêzên xwe yên leşkerî li Rojhilata Navîn zêde kirine û gefa hilweşandina hikûmeta Îranê dixwe. Trump piştî tepeserkirina protestoyên li Îranê, ragihandibû ku ev şansa dawîyê ye ji bo peymanekê. Her çend êrişên Îsraîl û Amerîkayê yên par zerereka mezin dabû tesîsên etomî yên Îranê jî, pispor dibêjin ku Tehran hîn jî dikare bernameya xwe nû bike. Niho çav li ser **vê derê** ne ka dê her du alî li ser xaleka navîn li hev bikin an na, ji ber ku daxwazên Amerîkayê tenê bi etomê sînordar nînin; bernameya **fûzeyan** û piştgirîya bo komên **çekdar** jî di rojevê de ne.

---

**Çavkanî:** Michael Crowley, The New York Times, Botan Times