> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Weşanên Nûbiharê du kitêbên nû çap kirin
- URL: https://www.botantimes.com/wesanen-nubihare-du-kiteben-nu-cap-kirin-2/
- Published: 2024-11-19T06:58:59.000Z
- Updated: 2024-11-19T06:58:59.000Z
- Author: Botan Times
- Tags: Çand û huner, Nûçe, Amed, DIYARBEKIR, Kurdî, nûbihar, #Migrated-1779046579484, #wp, #wp-post, #Import 2026-05-17 22:37

Weşanên Nûbiharê du kitêbên nû çap kirin û belav kirin.

Hîkmet bi Hîkayet kitêbeka lêkolînê ye û ji aliyê Sadullah Taşan ve hatiye nivîsîn.

Ev kitêb ji pênc beşên hîkayetên bi hîkmet pêk hatiye. Li gor Qurana Pîroz, hedîsên Pêxemberê Xwedê û gotinên navdaran piştî her hîkayetê hîkmet, îbret û hisse hatine nivîsîn.

Hestên Pîroz dîwaneka helbestan e û ji aliyê Kevok Mizgîînê ve hatiye nivîsîn.

Kevok Mizgîn bi vê dîwana xwe ya nû şi’rên berdewamiya di derheq işq û evînê de bi zimanek henûn, bi peyvên sade lê tîr, bi ruhek kurdewarî ya beriya bajarvaniyê û pala xwe dayî efsûn û ciwankariya klasîzma Kurdî diyarî me xwendevanan dike

**Nivîsara kitêba Hestên Pîroz**

Kevok Mizgîn bi şi’rên xwe yên naîf hem evîn û evîndariyê li ber dilê me watedar û şîrîn dike û hem jî me ji wê sekn û helwesta nelirê ya li hember xwezayê diparêze û pirek kahîm di navbera me û xweza û dil de ji nû ve ava dike.  
*Berken Bereh*

**Nivîsara kitêba Hîkmet bi Hîkayet**

Di vê pirtûkê de pirsgirêkên civakî, peyamên girîng, nexweşiyên derûnî, ilm û hîkmetên pêwist bi hîkayetên meraqawer û balkêş cih girtine. Hîkayetên vê pirtûkê ji bo dil aramî; ji bo ruh bihuşt û ji bo eql rênîşandêr in.

Ev pirtûk ji pênc beşên hîkayetên bi hîkmet pêk hatiye. Li gor Qurana Pîroz, hedîsên Pêxemberê Xwedê û gotinên navdaran piştî her hîkayetê hîkmet, îbret û hisse hatine nivîsîn.

Hîkayetên beşa yekem ji Gulistana Se’diyê Şîrazî hatine bijartin.

Beşa duyem ji serpêhatiyên nivîskar û derdora wî pêk hatiye.

Beşa sêyem ji çend hîkayetên ku Pêxemberê Xwedê ji eshabiyên xwe re gotine û ji hîkayetên gelek bi îbret û meraqawer pêk hatiye. Beşa çarem ji bo perwerdeya zarokan çend çîrok hene. Beşa dawî jî ji gotinên wecîz yên rênîşandêr pêk hatiye.