> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Weşanxaneya Darayê 'Çiyayê Girtî' çap kir
- URL: https://www.botantimes.com/wesanxaneya-daraye-ciyaye-girti-cap-kir/
- Published: 2023-10-19T13:15:17.000Z
- Updated: 2023-10-19T13:15:17.000Z
- Author: Botan Times
- Tags: Nûçe, 2023, Amed, DIYARBEKIR, ilhan sami çomak, Kurd, Kurdî, selim temo, #Migrated-1779046941970, #wp, #wp-post, #Import 2026-05-17 22:43

Weşanên Darayê berhema *Çiyayê Girtî* ya Îlhan Samî Çomak çap kir.

Çiyayê Girtî dîwaneka helbestan e ku Selîm Temo helbest ji defterên Îlhan Samîyî berhev kirine û edîtorîya kitêbê kirîye.

Helbestkar di kitêba xwe da 16 helbestên xwe pêşkêşî xwîneran dike. Kitêb ji du beşan (“Dorpêç” û “Bo te”) û 72 rûpelan pêk tê ku bergê wê ji alîyê Nazli Ongan ve hatîye çêkirin.

Ew di zîndanê da li ser kurdîya nivîskî xebitîye û wî helbestên xwe nivîsîne.

Îlhan Samî Çomak 8ê Adara 1978an li Kanîreşa Çewlîgê ji dayik bûye. Çomakî li Zanîngeha Stenbolê beşa Coxrafyayê qedandîye. Ew 1994an hatiye desteserkirin û girtin ku ev 29 sal in ew girtî ye. Wî bi tirkî û kurdî helbest nivîsîne. Çomakî çendîn kitêb nivîsîne û ew hêjayî wergirtina çend xelatan hatiye dîtin.

**Beşek ji dîwana Îlhan Samî Çomak:**

Min cureyek nû kifş kir, çarşem  
Dengê çeman wenda bûye  
Di xeyîdina keçxamayan de  
Xwîna bêjeyên nûzayî ziwa bûye  
Li ser lêva min  
Pençe û qîlên valahîyê razên min perçe dikin  
Qîrîna min olana çîyan li hevalan dixe  
Ez ê dengê bilûra xwe bidim devê bilbilan  
Û di qelşên latên enîya xwe de  
Sosinan avdim

![](https://botantimes.com/wp-content/uploads/2023/10/ciyaye-girti_min-1.webp)