> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Wezareta Pêşmergeyan derbarê şerê pêşmerge û artêşa Îraqê da daxuyanîyek daye
- URL: https://www.botantimes.com/wezareta-pesmergeyan-derbare-sere-pesmerge-u-artesa-iraqe-da-daxuyaniyek-daye/
- Published: 2023-10-23T08:11:02.000Z
- Updated: 2023-10-23T08:11:02.000Z
- Author: Botan Times
- Tags: Nûçe, 2023, Amed, DIYARBEKIR, Kurd, Kurdî, #Migrated-1779046941970, #wp, #wp-post, #Import 2026-05-17 22:43

Wezareta Pêşmergeyan li ser şerê pêşmerge û artêşa Îraqê yên li Mexmûrê daxuyanîyek daye.

Duhî li Mexmûrê saet 16:00an di navbera Pêşmerge û artêşa Îraqê da şer derketibû.

Li gorî nûçeya [Rûdaw](https://www.rudaw.net/kurmanci/kurdistan/231020232?ref=botantimes.com)ê, nûçegihana wan Peyam Serbestê daye zanîn ku 12 pêşmerge bi birîndarî rakirine Nexweşxaneya Rojava ya li Hewlêrê.

Nûçegihana Rûdawê Peyam Serbestê destnîşan kirîye ku "Pêşmergeyê bi navê Hawrê Cewher Ferhad li vê nexweşxaneyê şehîd ketîye û birînên Pêşmergeyekî jî xedar in."

Herwiha nûçegihanekî din yê Rûdawê Ferhad Dolemerî jî dîyar kirîye ku "Artêşa Îraqê şer daye destpêkirin û Pêşmergeyan bersiv daye êrişa wan."

Wezareta Pêşmergeyan destnîşan kirîye, “Em dupat dikin ku em ji bo aramî û ewlehiya tevahiya Îraqê amade ne bi hikûmeta federal re bixebitin.”