> ## Content Index
> Fetch the complete content index at: https://www.botantimes.com/llms.txt
> Use this file to discover other available public pages before exploring further.

# Xelatên Oscarî: Oppenheimer di heft beşan da xelat wergirtin
- URL: https://www.botantimes.com/xelaten-oscari-oppenheimer-di-heft-besan-da-xelat-wergirtin/
- Published: 2024-03-11T06:59:23.000Z
- Updated: 2024-03-11T06:59:23.000Z
- Author: bianet
- Tags: Nûçe, 2023, Amed, DIYARBEKIR, Kurd, Kurdî, #Migrated-1779046579484, #wp, #wp-post, #Import 2026-05-17 22:37

Beriya merasîma xelatdayînê û di dema merasîmê de li derveyî salonê û li hundir mijara sereke, şerê li Xezeyê bû.

Merasîma 96an a xelatdayînê ya Xelatên Oscarî li Dolby Theatreyê ya Los Angelesê, ya bajarê DYAyê pêk hat. Xelata “Baştirîn Fîlmî” dan Oppenheimerî, ya “Baştirîn Derhênerî” jî dan Christopher Nolanî.

![](https://static.bianet.org/2024/03/9999ic1.jpg)

Beriya merasîmê û di dema merasîmê de li derveyî salonê û li hundir, mijara sereke, şerê li Xezeyê bû. Daxwaza agirbestê hebû.

![](https://static.bianet.org/2024/03/9999ic2.jpg)

Di dema merasîmê de xelata “Baştirîn Fîlmê di Zimanê Biyaniyan de” “Zone of Intereset” baştirîn xelat wergirt. Derhênerhe fîlmî Jonathan Glazerî dema xelat wergirt bertek nîyanî êrîşên Îsraîlê û dagirkeriya wê da.

Li ber Dolby Theatreyê alîgirên Filistînê kom bûn û ji bo li Xezeyê agirbest pêk bê çalakiyek li dar xist.

![](https://static.bianet.org/2024/03/8888.jpg)

Ji ber vê rewşê, merasîma xelatdayînê hinekî bi derengî dest pê kir. Hinek lîstikvanên Hollywoodê jî bi broşên agirbest nîşan didin, li ser xalîçeya sor meşiyan. Ramy Youssef, Mark Ruffalo û Billie Eilish hinek ji van lîstikvanan bûn.

### Oppenheimer xelata “Baştirîn Fîlmî” wergirt

Îsal Oppenheimerî di heft beşan de xelat wergirtin.

Xelatên hatin dayîn

Baştirîn Fîlm: Oppenheimer

Baştirîn Derhêner: Chistopher Nolan - Oppenheimer

Baştarîn Lîstikvana Jin: Emma Stone - Poor Things

Baştirîn Lîstîkvanê Mêr: Cillian Murphy - Oppenheimer

Baştirîn Lîstikvana Alîkar: Da’Vine Joy Randolph - The Holdovers

Baştirîn Lîstikvanê Alîkar: Robert Downey Jr. - Oppenheimer

Baştirîn Strana Resen: What Was I Made For? - Barbie

Baştirîn Muzîka Fîlmî: Oppenheimer

Baştirîn Sînematografî: Oppenheimer

Baştirîn Efektên Dîtbarî: Godzilla Minus One

Baştirîn Belgefîlm: Mariupol'de 20 Gün