Karneya kurdî ya şaredariyên DEMê: Malperên 45 şaredariyan bi tenê bi tirkî ne - MA, Azad Altay

Karneya du salan a şaredariyên DEM Partiyê ya li ser zimanê kurdî di asta xebatên hişyariyê de maye.

Di nava du salên borî de ji 62 şaredariyên di destê Partiya Wekhevî û Demokrasiyê ya Gelan (DEM Parti) de, tenê du şaredariyan kreşên pirzimanî vekirine. Li gorî daneyan, malperên 45 şaredariyan hêj jî tenê bi tirkî ne û di warê bi cih anîna sozên hilbijartinê de kêmasiyên berçav hene.

Rewşa malperên înternetê

Zêdetirî du salan bi ser hilbijartinê re derbas bûne, lê di warê dîjîtal de gavên kêm hatine avêtin. Malperên şaredariyên wekî Îdir, Agirî, Mûş û gelek navçeyên Amed û Wanê tenê bi tirkî xizmetê didin. Tenê 10 şaredariyan malperên xwe kirine pirzimanî ku piraniya wan li Amed û Wanê ne. Her weha, malperên hin şaredariyan hên jî "di qonaxa amadekirinê de" hatine hiştin an jî qet nîn in.

Kreş û sazîbûn

Di mijara kreşan de ku yek ji sozên sereke yê hilbijartinê bû, tenê Şaredariya Bajarê Mezin a Amedê û Şaredariya Peyasê gav avêtine û bi giştî 4 kreş vekirine. Cîgirê Şaredarê Peyasê Yılmaz Güneş diyar kir ku daxwazeke zêde heye û 600 malbatî serî lê daye, lê şaredarî nikarin bersiva vê daxwazê bidin. Di warê sazîbûnê de jî tenê Şaredariya Bajarê Mezin a Amedê "Muduriyeta Parastin û Geşepêdana Ziman" ava kiriye.

Navên parkan û xebatên dî

Li herêma Serhedê ku navenda dengbêjiyê ye, heta niho tu "Mala Dengbêjan" nehatiye vekirin. Navên parkên nû ku ji aliyê şaredariyan ve tên çêkirin, di şûna kurdî de bi tirkî an jî bi îngilîzî (wekî Naturapark) tên danîn. Şaredariyan di vê pêvajoyê de zêdetir giranî dane xebatên hişyariyê, konser û şanoyên cida yên bi kurdî.

Tabloya giştî ya xebatên zimên

Çavkanî: MA, Botan Times, Azad Altay