KURTEPIRS: Fahriye Adsay

Heke te nameyek ji xwedê ra binivîsiya dê te çi bigota?

- Hey te em xuliqandin, îjar çima berê xwe ji me diguherî, Xwedê jê razî?!

Kesayetê/a tu herî zêde jê hez dikî kî ye?

- Ew kes e ku bikaribim (bêyî ku em şer bikin:)) pê re bi saetan sohbet bikim, ji sohbeta wê/wî aciz nebim.

Heke te bo xwe cîhanek ava bikira te nedixwest çi lê biqewime?

- Konformîzm û şelaqî.

Kîtêba herî zêde tu jê hez dikî kîjan e?

-Berî bi salan bersivek min hebû ji bo vê pirsê, lê aniha tuneye.

Gava tu mirî bi taybet dixwazî kî bê ser gora te, çima? (mirî an sax ferq nake; bi du risteyan)

- Evdila Ocalan (ev tê maneya gelek kesên din!:) ji gora xwe derkeve, bibêje, wele te rast digot lê!:) Di wê jiyana xwe kurt de ne hêja bû, mirov xwe ewqas vir de wê de bibe bîne. Nebe jî dibe, helbet.

Herî zêde çi te xemgîn dike?

- Van demên dawî, konformîzm û xemsariya piraniya xwendeyên me.

Heke te navek li bircên Dîyarbekirê bikolaya ev dê navê kê bûya?

- Ji navê xwediyê wê risteyê, “Min navê te kola li bircên Diyarbekirê”  çêtir tuneye, bi ya min.

Te dixwest li kîjan serdemê bijî?

- Bi min, serdemeke îdeal tuneye; her serdemê li gor xwe aliyên xwe yên çêtir û xirabtir hene. Bila dîsa ev serdem be.

Heke cardî bihatayî dinyayê, te yê çi tişt cardî bikira?

- Min ê dîsa bi ya xwe bikira û hin tiştên kêm hiştine jî, lê zêde bikirana.

Beriya mirina xwe herî pir dixwazî çi pêk bînî?

- Min dixwest bikaribim înstûtî an saziyeke din a akademîk ava bikim, ku tenê li ser lêkolînên derbarê neteweperweriyê de kar bike û xwendekarên kurd ên herî jîr li wir bixwînin û bên îstihdamkirin.

Tu herî zêde çi xeyal dikî?

- Xeyal dikim, rojekê çîneke xwende û siyasetmedarên me yên neteweperwer ên afirîner û zîrek hebin.

Li vê heyatê çi di dilê te da bûye kûl û derd?

- Diya min, xwezî min bikaribûya bêtir dilê wê xweş bikim.

Heke te bixwesta tiştekî xwe biguherî ew dê çi bûya?

- Bêsebrî.

Serkeftina te ya herî mezin çi ye?

- Xebatên min ên kurdî.

Bi ingilîzî bixwîne