Ahmet Turkî serlêdana xwe bo bernamzetîya şaredarîya Mêrdînê kir

Sîyasetmedar Ahmet Turkî ji DEM Partîyê serlêdana xwe bo bernamzetîya Serokatîya Şaredarîya Bajarê Mezin a Mêrdînê kir.

Turkî li ser hesaba xwe ya Xê da zanîn ku wî serlêdana xwe bo Şaredarîya Bajarê Mezin a Mêrdînê kir.

Ahmet Turkî wiha got: Ji bo em hesabê ji qeyûman bipirsin, karên nîvco biqedinin û ji bo ku îrade ya gel û bajarê qedîm yê ziman û olan Mêrdînê bînin ba hev, min vê serdemê jî ji DEM Partiyê bo Serokatîya Şaredarîya Bajarê Mezin a Mêrdînê serlêdan kir. Ji bo pêşerojeka azad...

Ahmet Turk berî niha du caran bûye şaredarê Mêrdînê lê her du caran jî li şûna wî qeyûm hatine tayînkirin.