Amerîka: "Bi çekên me lê bidî, serbest î! Destê te ji te re"
Joe Biden, Serokê DYAyê, qedexeya li ser bikaranîna çekên Amerîkî ji bo êrîşkirina nav xaka Rûsyayê rakir. Ev biryar piştî beşdarîya leşkerên Korêya Bakur di şer de hatiye dayîn.
Biryara nû çi ye?
Li gor çavkanîyên medyaya Amerîkî, Biden destûr daye ku Ukrayna roketên Atacms ên bi menzîla 300 kîlometreyan li dijî hêzên Rûsî û Korêya Bakur li herêma Kurskê bi kar bîne.
Bertekên navneteweyî
Polonya bi erênî nêzîkî biryarê bûye. Wezîrê derve yê Polonyayê Radosław Sikorski gotiye ku ev bersiveka rast e ji bo beşdarîya leşkerên Korêya Bakur di şerî de.
Hişyarîya Rûsyayê
Vladimir Dzhabarov, endamê parlamentoya Rûsyayê, hişyarî daye ku ev gaveka mezin e ber bi destpêka şerê cîhanê yê sêyemîn. Rûsya soz daye ku dê bersiveka bilez bide.
Şerê nû yê enerjîyê
Rûsyayê îro êrîşeka mezin a bi dron û fûzeyan li dijî navendên enerjîyê yên Ukraynayê pêk anîye. Ji ber vê yekê, Ukraynayê ji bo roja duşemê qedexeya enerjîyê li seranserê welat ragihandiye.
Çavkanî:
- Botan Times
- The Guardian
- Dan Sabbagh
