Kursên havînê yên Komeleya Lêkolînên Kurdî dest pê dikin
Komeleya Lêkolînên Kurdî ji bo serdema havînê dest bi dersên Kurdî dike.
Programa kursê dê 15ê Tîmehê dest pê bike û dê bi zaravayê Kurmancî, Kirmanckî û Soranî bên dayîn.
Di vê serdemê de di bernameya komeleyê da bi Kurmancî astên 1, 2, 3, 4 û 5ê û bi Kirmanckî jî asta yekem û bi Soranî jî asta destpêkê dê hebin.
Kesên ku bixwazin beşdarî kursan bibin divê heta 15ê Tîrmehê serî li Komeleya Lêkolînên Kurdî bidin.
Serlêdanên kursan dê li ofîsa komeleyê bi awayekî rûbirû pêk bên.
Komeleya Lêkolînên Kurdî çi dike?
Enstîtuya Kurdî ya Stenbolê bi Biryarnameya di Hukmê Qanûnê da (KHK) 31ê Kanûna Pêşiyê ya 2016an ji aliyê Wezareta Karên Navxweyî ya Tirkiyeyê ve hat girtin.
Piştî girtina komeleyê dilxwaz û xebatkarên Enstîtuyê Komeleya Lêkolînên Kurdî ava kirin.
Komele armanca dike ku li ser çand, huner û zimanê Kurdî xebatên zanistî û lêkolînî bike û her wiha ji bo pêşketina zimanê kurdî di atolyeyan li dar bixe.
