Partîyên Kurdistanî: Hebûna gelê kurd nas bikin!

Partîyên Kurdistanî di 100 salîya Peymana Lozanê da bi daxuyanîyeka hevpar ragihandin ku ew peymana Lozanê nas nakin.

Di daxuyanîya li Amedê hat belavkirin da hemû partîyên Kurdistanî xwestin ku hebûna gelê kurd û mafên wan bên nasîn.

Îro 100 salîya Peymana Lozanê ye. Navê roja reş e ya ku rê li ber red, înkar û qetlîamên sed salî li ser gelê kurd vekiriye. Ev sed sal e ku dewletên emperyalîst, bêyî ku îradeya kurdan li ber çavan bigirin, li hev kirine ku Kurdistanê bikin çar parçe. Peymana Lozanê ji bo gelê me navê tarîtî, zilma bêdawî, qirkirin û jenosîdan e. Me ev peyman qebûl nekir û em ê nekin.

Partî û sazîyên başdarî daxuyaniyê bûne:

Kongreya Civaka Demokratîk (KCD)

Partiya Herêmên Demokratîk (DBP)

Partiya Demokratîk a Gelan (HDP)

Partiya Çepên Kesk

Partiya Komunîst a Kurdistanê (KKP)

Partiya Însan û Azadî (PİA)

Partiya Sosyalîst a Kurdistanê (PSK)

Partiya Demokrat a Kurdistan-Tirkiye (PDK-T)

Partiya Azadî

Hereketa Azadî

Komeleyên Kurd ên Şoreşger ên Demokratîk (DDKD)

Komela Şêx Seîd

Platforma Yekîtiya Jinên Kurd

Peymana Lozanê 24ê Tîrmeha 1923yan bi destê Brîtanya, Fransa, Îtalya, Japonya, Yewnanistan, Romanya, Yûgoslavya û Tirkiyeyê li bajarê Lozanê yê Swîsreyê hat îmzekirin.

Bi vê peymanê Kurdistan di nava Iraq, Îran, Sûriye û Tirkiyeyê da hate dabeşkirin.