KSC: Amedsporê ji mîlyonekê zêdetir alîgir hene

Kürt Çalışmaları Merkezi (KSC) Navenda Xebatên Kurdî bi sernavê Alîgirên Amedsporê raporek belav kir.

Ev lêkolîn li hemî navçeyên Amedê û ligel 1500 kesan rûbirû hatîye kirin ku wan xwestîye eleqeya xelkê ya bo Amedsporê nîşan bidin.

Di roporê da tê dîtin ku li Amedê, ji kesên temen mezin, ji sêyan yek alîgirê taximan nînin. Ev rêje li nav temamîya kurdên li Tirkîyeyê hêj zêdetir e û ji çaran yek ne aligirên taximan in.

Li Tirkîyeyê, kurdên ji 18 salîyê mezintir û alîgirîya taximan dikin, ji 9 kesan yek taxima wan ya ewil an jî ya duduyan Amed e.

Li Amedê 250 hezar û li temamîya Tirkîyeyê jî mîlyoneka alîgirên Amedsporê hene.