Mehmed Uzun dê li Hewlêrê bê yadkirin
Li Hewlêra paytexta Herêma Kurdistanê, dê li ser nivîskar û romannivîsê Kurd Mehmet Uzun panelek bê lidarxistin.
Li gorî agahîya Rûdawê li Hewlêrê sibê saet 16:00an di çarçoveya “Festîvala Mem û Zînê” da, bi beşdarîya nivîskarên ji parçeyên Kurdistanê li ser nivîskar û romannûs Mehmet Uzun panelek tê dayîn.
Ji Bakurê Kurdistanê Berpirsê Weşanxaneya Avestayê Abdullah Keskin, ji Rojavayê Kurdistanê nivîskar Jan Dost, ji Rojhilatê Kurdistanê nivîskar Ebdulxaliq Yaqûbî û ji Başûrê Kurdistanê nivîskar Cebbar Cemal Xerîb dê li ser Mehmet Uzun û berhemên biaxivin.
