PDK û YNKyê li ser bernameya hevbeş a hikûmeta nû li hev kirine - Rûdaw
PDK û YNKyê di hevdîtina xwe ya li Pîrmamê de li ser amadekirina bernameya hevbeş a hikûmeta nû li hev kirine. Li gorî daxuyanîya hevbeş a her du partîyan, dê komîteyek hevbeş ji bo civîna pêş bernameya kar-kirinê amade bike.
Naveroka hevdîtinê
Her du alî li ser prensîbên birêvebirina Herêma Kurdistanê di qonaxa pêş de li hev kirine. Li gorî daxuyanîyê, armanc parastina pozîsyona Herêma Kurdistanê, ewlehî û mafên hemwelatîyan e.
Ev hevdîtin piştî civîna yekem a meha borî ya li Silêmanîyê pêk hatiye. Di wê civînê de her du alîyan biryar dabûn ku danûstandinan bidomînin.
Encamên hilbijartinan
Di hilbijartinên Çirîya Pêşiyê yên 2024ê de PDKyê 39 kursî bi dest xistine û YNKê jî 23 kursî bi dest xistine. Tevgera Nifşê Nû jî bi 15 kursîyan bûye partîya sêyem.
Tu partîyan di parlamentoyê de piranî bi dest nexistine. Ji ber vê yekê, dê hikûmeteka hevbeş bê avakirin. Lê hin partîyên wek Komel, Yekgirtû, Bereya Gel û Tevgera Helwest encamên hilbijartinan red kirine û gotine ku sextekarî çêbûye.
Rewşa Sûrîyeyê jî hate gotûbêjkirin
Her du partî rewşa Sûrîyeyê û bandora wê ya li ser Iraq û Herêma Kurdistanê jî gotûbêj kirine. Piştî ku Heyat Tehrîr El-Şam û hevalbendên wê Şam kontrol kiriye û rejîma Esad hilweşîyaye, her du alî li ser helwesteka hevbeş ji bo parastina berjewendîyên Herêma Kurdistanê li hev kirine.
Çavkanî: Rudaw, Botan Times
